યુવરાજ અને અકરમ બુશફાયર માટેની ચેરિટી મેચમાં ઓસ્ટ્રેલિયામાં રમશે

બ્રિસબેનઃ વર્લ્ડ કપ 2011ની ચેમ્પિયન ભારતીય ટીમનો હિરો યુવરાજ સિંહ અને પાકિસ્તાનનો લિજેન્ડરી ઝડપી બોલર વસિમ અકરમ ઓસ્ટ્રેલિયાના જંગલોમાં લાગેલી આગ માટે ભંડોળ એકઠું કરવાના હેતુંથી રમાનારી ચેરિટી મેચમાં રમશે. આ મેચ 8 ફેબ્રુઆરીએ રમાશે. બુશફાયર ક્રિકેટ બેશમાં રમનારા વિદેશી ખેલાડીઓમાં યુવરાજ અને અકરમના નામની જાહેરાત કરવામાં આવી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: મીડિયા અહેવાલ પ્રમાણે યુવરાજ અને અકરમ ઉપરાંત ઓસ્ટ્રેલિયાની ઓપનિંગ જોડી જસ્ટિન લેન્ગર અને મેથ્યુ હેડન પણ આ મેચમાં રમવાના છે. મહાન ક્રિકેટર સચિન તેંડુલકર અને વેસ્ટ ઈન્ડિઝનો મહાન બોલર કર્ટની વોલ્શ જે બે ટીમ વચ્ચે મેચ રમાવાની છે તેમના કોચ છે. સચિન પોન્ટિંગ ઈલેવન અને વોલ્શ વોર્ન ઈલેવનનો કોચ રહેશે. આ ચેરિટી મેચ ઓસ્ટ્રેલિયાની ટી20 ક્રિકેટ લીગ બિગ બેશની આઠમી ફેબ્રુઆરીએ રમાનારી ફાઈનલ અગાઉ રમાશે. જોકે, આ મેચ ક્યાં રમાશે તે હજી સુધી જાહેર કરવામાં આવ્યું નથી. નોંધનીય છે કે ઓસ્ટ્રેલિયાના જંગલોમાં લાગેલી ભયાનક આગમાં ઘણા ઘરો બળીને ખાખ થઈ ગયા છે જ્યારે ઓસ્ટ્રેલિયાની ઓળખ એવા કાંગારૂ અને કોઆલાલા સહિતના વન્ય જીવો પણ હજારોની સંખ્યામાં મોતને ભેટ્યા છે.