નિષ્ફળ છું પરંતુ 2019 સુધી ઉમ્મીદ નહીં છોડુંઃ યુવરાજ સિંહ

I am Gujarat

યુવરાજે સ્વીકારી પોતાની નિષ્ફળતા

ભારતીય ટીમથી બહાર ચાલી રહેલા યુવરાજ સિંહને આ સ્વીકાર કરવામાં કોઈ સંકોચ નથી કે તે નિષ્ફળ રહ્યો છે. પરંતુ તેણે કહ્યું કે 2019 સુધી ઉમ્મીદ નહીં છોડે.

ચોથા ટ્રાયલમાં ફિટનેસ ટેસ્ટ કર્યો પાસ

ભારતની 2011ના વિશ્વકપની જીતમાં મહત્વની ભૂમિકા ભજવનારા યુવરાજ પાછલા કેટલાક સમયથી ટીમમાં જગ્યા બનાવવા માટે સંઘર્ષ કરી રહ્યો છે. યુવરાજે કહ્યું, હું આ જણાવવા માંગીશ કે હું અસફળ રહ્યો છું. હું હજું પણ નિષ્ફળ છું. હું ઓછામાં ઓછા ત્રણ ફિટનેસ ટેસ્ટમાં ફેલ થયો પરંતુ રવિવારે મેં મારો ફિટનેસ ટેસ્ટ પાસ કરી લીધો. સત્તર વર્ષ પછી હું અત્યારે પણ અસફળ થઈ રહ્યો છું.

યુનિસેફના કાર્યક્રમમાં જણાવ્યું કરિયર વિશે

યૂનિસેફના એક કાર્યક્રમમાં યુવરાજે કહયું કે પોતાના કરિયરને લઈને કોઈ પણ નિર્ણય તે પોતે જ કરશે. તેણે કહ્યું, હું અસફળતાથી નથી ડરતો. હું ઉતાર ચઢાવથી પસાર થયો છું. મેં હાર જોઈ છે અને આ સફળતાનો સ્તંભ છે. યુવરાજે કહ્યું, એક સફળ પુરુષ બનવા માટે, એક સફળ વ્યક્તિ બનવા માટે તમારે નિષ્ફળ થવું જરૂરી છે તમારું હારવું જરૂરી છે. તેનાથી તમે મજબૂત વ્યક્તિ બનશો અને તમે આગળના સ્તર પર પહોંચશો.

2019 સુધી ક્રિકેટ રમવાની ઈચ્છા

યુવરાજે કહ્યું કે હાલના પ્રદર્શન બાદ તે નથી જણાવી શકતો કે કેટલા લોકો તેના પર હજુ પણ વિશ્વાસ કરે છે, પરંતુ તેણે પોતાના પર વિશ્વાસ કરવાનું નથી છોડયું. તેણે કહ્યું, હું હજુ પણ રમી રહ્યો છું. હું નથી જાણતો કે ક્યા ફોર્મેમાં રમવા જઈ રહ્યો છું. પરંતુ હું પહેલાની જેમ આજે પણ સખત મહેનત કરી રહ્યો છું. બની શકે કે આ પહેલાથી પણ વધારે મુશ્કેલ હોય કારણ કે મારી ઉંમર વધી રહી છે. મને લાગે છે કે હું 2019 સુધી ક્રિકેટ રમી શકું છું અને પછી તે બાદ કોઈ નિર્ણય લઈશ.યુવરાજે કહ્યું, આ માટે મને પોતાના પર વિશ્વાસ હોવો જોઈએ. જેવી રીતે મેં કહ્યું કે હું નથી જાણતો કે કેટલા લોકોને મારા પર વિશ્વાસ કરે છે પરંતુ મારો પાતાના પર વિશ્વાસ છે. ભારત તરફથી 40 ટેસ્ટ, 304 વન-ડે અને 58 ઈન્ટરનેશનલ ટી-20 રમનારા યુવરાજ વિશે કહેવાય છે કે તેણે યો-યો ફિટનેસ ટેસ્ટ પાસ કરી લીધો છે. જેમાં તે પહેલા નિષ્ફળ રહ્યો હતો.