સોશિયલ મીડિયા પર વાઈરલ થયો ફૂટબોલનો આ ફેન, જાણો શું છે કારણ

હાલમાં યુરો કપ-2021 ફૂટબોલ ટુર્નામેન્ટ રમાઈ રહી છે. ફૂટબોલ પ્રેમીઓ પોતાની ટીમ સાથે લાગણીથી જોડાયેલા હોય છે અને આવો જ એક ફૂટબોલ પ્રેમી સ્વિટઝર્લેન્ડ અને ફ્રાન્સ વચ્ચે રમાયેલી મેચમાં જોવા મળ્યો હતો. સ્વિટઝર્લેન્ડની ટીમ જ્યારે પાછળ હતી ત્યારે તે અત્યંત દુઃખી હતો અને રડી રહ્યો હતો જ્યારે મિનિટોમાં જ આખી બાજી પલટાઈ ગઈ અને તેની ટીમ મજબૂત સ્થિતિમાં આવી ગઈ ત્યારે તે અત્યંત ઝનૂની બનીને ઉજવણી કરતો જોવા મળ્યો હતો.

સોમવારે રાત્રે રમાયેલી મેચમાં સ્વિટઝર્લેન્ડે વર્લ્ડ ચેમ્પિયન ફ્રાન્સને પેનલ્ટીથી 5-4થી હરાવીને યુરો કપમાંથી બહાર કરી દીધું હતું. એક સમયે સ્વિટઝર્લેન્ડ 1-3થી પાછળ હતું પરંતુ છેલ્લી 10 મિનિટમાં હેરિસ સેફેરોવિક અને મારિયો ગાવરાનોવિકના ગોલની મદદથી મેચ 3-3થી બરાબરી પર રહી હતી.
UAE અને ઓમાનમાં 17 ઓક્ટોબરથી 14 નવેમ્બર દરમિયાન રમાશે ટી20 વર્લ્ડ કપસ્કોર લેવલ થવાની બે મિનિટ પહેલા સ્વિસટઝર્લેન્ડનો એક પ્રશંસક રડી પડ્યો હતો. કેમેરા તેના પર આવ્યો ત્યારે તે અત્યંત નિરાશ, હતાશ જોવા મળ્યો હતો. પોતાનો ચહેરો પોતાની જર્સીની અંદર સંતાડી દીધો હતો અને આકાશમાં જોઈને રડી રહ્યો હતો. જોકે, અંતિમ સમયે બાજી પલટાઈ ગઈ હતી અને સ્કોર 3-3થી બરાબરી પર આવી ગયો હતો.

ત્યારે ફરીથી કેમેરા તે પ્રશંસક તરફ ગયો હતો ત્યારે તે અત્યંત ખુશ જોવા મળ્યો હતો. તેણે પોતાની જર્સી કાઢી નાંખી હતી અને એક યોદ્ધાએ જીત મેળવી હોય તેમ ઝનૂનથી ઉજવણી કરતો જોવા મળ્યો હતો. સોશીયલ મીડિયા પર તેની બંને લાગણીઓ વાળી તસ્વીર ઘણી જ વાઈરલ થઈ હતી.
ગોવામાં ગંદકી ફેલાવવા પર પૂર્વ ક્રિકેટર અજય જાડેજાને થયો દંડ, કચરામાં પડેલા બિલથી થયો ખુલાસોપેનલ્ટીમાં સ્વિટઝર્લેન્ડે બાજી મારી હતી અને વર્લ્ડ ચેમ્પિયન ફ્રાન્સની ટીમને 5-4થી પરાજય આપીને ટુર્નામેન્ટની બહાર કરી દીધી હતી. આ સાથે જ સ્વિટઝર્લેન્ડ 1954 બાદ પ્રથમ વખત યુરો કપની ક્વાર્ટર ફાઈનલમાં પહોંચ્યું છે.