15 વર્ષની ઉંમરે ઘર છોડ્યું, આ રીતે ચેમ્પિયન બની મેરી કોમ

I am Gujarat

મેરી કોમના મુક્કાની તાકાત પાછળ શું છે રહસ્ય

મહિલા વર્લ્ડ બોક્સિંગ ચેમ્પિયનશિપમાં રવિવારે મેરી કોમે પોતાના છઠ્ઠો ગોલ્ડ જીતીને નવો ઈતિહાસ રચી દીધો. મહિલા વર્લ્ડ ચેમ્પિયનશિપમાં 6 મેડલ જીતનારી મેરી દુનિયાની પહેલી બોક્સર છે. આ જીત સાથે જ મેરીએ બોક્સિંગ વર્લ્ડ ચેમ્પિયનશિસમાં સૌથી વધારે ટાઈટલ જીતવાનો રેકોર્ડની બરાબરી કરી લીધી છે.

બોક્સિંગ માટે 15 વર્ષની ઉંમરે ઘર છોડી દીધું

મેરી કોમે પોતાની બોક્સિંગ ટ્રેનિંગ માટે પોતાનું ઘર 15 વર્ષની ઉંમરે જ છોડી દીધું હતું અને પછી તે ટ્રેનિંગ માટે મણિપુરની રાજધાની ઈમ્ફાલ આવી ગઈ. અહીં સ્પોર્ટ્સ એકેડમીમાં રહીને તેણે પોતાના અભ્યાસ સાથે બોક્સિંગની પ્રેક્ટિસ કરી.

એક સમયે બોક્સિંગ છોડવાનો કર્યો હતો નિર્ણય

આ ટાઈટલથી પહેલા મેરી કોમે 2010 સુધી જ વર્લ્ડ ચેમ્પિયનશિપમાં 5 મેડલ પોતાના નામે કર્યા હતા. ત્રણ બાળકોની માતા મેરી પોતાની લાઈફમાં એટલી વ્યસ્ત રહેવા લાગી કે એક સમયે તેણે સંન્યાસ લેવાનું નક્કી કરી લીધું હતું. પરંતુ પતિ અને ઘરના લોકોના સહયોગના કારણે તેણે કામ ચાલું રાખ્યું.

નવા બોક્સર પણ તૈયાર કરી રહી છે

મેરી કોમે સ્પોર્ટ્સમાં એક્ટિવ રહેવા સાથે યુવા બોક્સર્સને પણ તૈયાર કરી રહી છે. મણીપુરમાં તે બોક્સિંગ એકેડમી ચલાવે છે. આ એકેડમીમાં મેરી પોતે પણ પ્રેક્ટિસ કરે છે અને આ બધા વચ્ચે પોતાના ત્રણ બાળકોની પણ દેખરેખ કરે છે.

એક ઓલિમ્પિક મેડલ પણ મેરીના નામે

મેરી કોમ અહીંથી ઓલિમ્પિક 2020માં ગોલ્ડ મેડલની તૈયારી કરી રહી છે. આ પહેલા તેના નામે એક ઓલિમ્પિક મેડલ પણ છે. 2012માં લંડન ઓલિમ્પિકમાં મેરીએ બ્રોન્ઝ મેડલ જીત્યો હતો.

વર્લ્ડ ચેમ્પિયનશિપમાં કુલ 7 મેડલ

વર્લ્ડ ચેમ્પિયનશિપમાં મેરી કોમે વર્ષ 2001માં પોતાનો પહેલો મેડલ જીત્યો હતો. ત્યારે તેને માત્ર સિલ્વર મેડલથી સંતોષ માનવો પડ્યો હતો. આ પછી તેણે 2010 સુધી 5 ગોલ્ડ મેડલ પોતાના નામે કર્યા 8 વર્ષ બાદ ફરીથી તે રિંગમાં ઉતરી અને તેણે છઠ્ઠી વખત પોતાના નામે ગોલ્ડ મેડલ કર્યો.

મેરીના નામે 14 ઈન્ટરનેશનલ ગોલ્ડ

જુદી જુદી ઈન્ટરનેશનલ ઈવેન્ટની વાત કરીએ તો મેરી કોમને ઈન્ટરનેશનલ સ્પર્ધાઓમાં કુલ 14 ગોલ્ડ મેડલ મળ્યા છે. 6 ગોલ્ડઃ મહિલા વર્લ્ડ ચેમ્પિયનશિપ 5 ગોલ્ડઃ એશિયન મહિલા બોક્સિંગ ચેમ્પિયનશિપ 1 ગોલ્ડઃ એશિયન ઈન્ડોર ગેમ્સ 1 ગોલ્ડઃ એશિયન ગેમ્સ 1 ગોલ્ડઃ કોમનવેલ્થ ગેમ્સ