વર્લ્ડ હોકી લીગ સેમી ફાઇનલમાં ભારતે પાકિસ્તાનને 6-1થી કચડ્યું

I am Gujarat

ભારતે ફરી પાકિસ્તાનને હરાવ્યું

લંડનઃ ભારતે ફરી એક વખત મોટી ટુર્નામેન્ટમાં પાકિસ્તાનને હરાવી દીધું છે. ભારતે આજે હોકી વર્લ્ડ લીગ સેમી ફાઇનલમાં પાકિસ્તાનને 6-1થી હાર આપી છે. આ પહેલા લીગ રાઉન્ડમાં પણ પાકિસ્તાનને 7-1થી પછાડ્યું હતું. હવે 5 અને 6 સ્થાન માટે રવિવારે કેનેડા સામે મેચ યોજાશે.

પહેલા હાફમાં ભારત 4-0થી આગળ હતું

સેમી ફાઇનલ મેચની શરૂઆતથી ભારત પાકિસ્તાન પર ભારે પડ્યું હતું. પહેલા ક્વૉટરમાં રમનદીપે ભારત તરફથી 8મી મિનિટે ગોલ કરી ભારતને લીડ અપાવી હતી. બીજા ક્વૉટરમાંમાં રમતની 25મી મિનિટે તલવિંદર સિંહ બીજો ગોલ કર્યો હતો. તેની 2 મિનિટ બાદ જ મનદીપ સિંહ એ વધુ એક ગોલ કરી 3-0ની ભારતને આગળ કરી દીધું હતું. પહેલા હાફમાંના અંત સુધીમાં ભારત 4-0થી આગળ હતું.

મનદીપ સિંહે મેચની છેલ્લી મિનિટે ગોલ કર્યો

બીજા હાફમાં 36મી મિનિટે ભારતે પેનલ્ટી કોર્નર મળ્યો. જ્યારે પાકિસ્તાન તરફથી 41મી મિનિટે અહમદે ગોલ કર્યો હતો. મેચ પૂરી થાવની એક મિનિટની વાર હતી ત્યારે જ મનદીપ સિંહે મેચમાં પોતાનો બીજો ગોલ કરી ભારતને 6-1 સાથે વિજય અપાવી દીધો હતો.