રેસલર વિનેશ ફોગાટને કોરોના, મળ્યું છે, મળ્યો છે સર્વોચ્ચ સ્પોર્ટસ એવોર્ડ

નવી દિલ્હી: દિગ્ગજ ભારતીય મહિલા રેસલર વિનેશ ફોગાટનો કોરોના રિપોર્ટ પોઝિટિવ આવ્યો છે. તેને શનિવારે જ સ્પોર્ટસના સર્વોચ્ચ સન્માન રાજીવ ગાંધી ખેલ રત્ન એવોર્ડથી સન્માનિત કરવાની હતી. વિનેશને વર્ષ 2016માં અર્જુન એવોર્ડથી સન્માનિત કરવામાં આવી ચૂકી છે.

એશિયન અને કોમનવેલ્થમાં ગોલ્ડ મેડલ મેળવનારી વિનેશે શુક્રવારે કહ્યું કે, કોવિડ1-19ની તપાસમાં રિપોર્ટ પોઝિટિવ આવ્યો છે. આ વર્ષે દેશના સર્વોચ્ચ ખેલ એવોર્ડ 'રાજીવ ગાંધી ખેલ રત્ન' માટે પસંદ કરાયેલી વિનેશ હાલમાં પોતાના કોચ ઓમ પ્રકાશ પાસે સોનીપતમાં પ્રેક્ટિસ કરી રહી હતી.

આ પણ વાંચો: નેશનલ સ્પૉર્ટ્સ એવોર્ડ જીતનારા 3 ખેલાડીઓને કોરોના, ઑનલાઈન સમારોહમાં ભાગ નહીં લે

ફ્રીસ્ટાઈલ રેસલર વિનેશે કહ્યું કે, 'ખેલ પુરસ્કારોની તૈયારીઓ અંતર્ગત કોરોના વાયરસની તપાસ માટે સોનીપતમાં મારો નમૂનો લેવાયો હતો. તપાસમાં તેનું પરિણામ પોઝિટિવ આવ્યું છે. ભગવાન ઈચ્છશે તો હું જલદી સાજી થઈ જઈશ.'

હરિયાણાની 26 વર્ષની વિનેશ ગીતા અને બબીતાની પિતરાઈ બહેન છે. તેણે ગત વર્ષે વર્લ્ડ ચેમ્પિયનશિપમાં પણ મેડલ જીત્યો હતો. એટલું જ નહીં, તેણે આગામી વર્ષે યોજાનારી ટોક્યો ઓલિમ્પિક માટે પણ ક્વોલિફાઈ કર્યું હતું.