FIFA World Cup 2022:એક સમયે ગરીબીને લીધે પ્રજા પલાયન કરતી, આજે કતાર સમૃદ્ધ દેશોમાં સામેલ, રસપ્રદ છે કહાની

સમગ્ર દુનિયાની નજર કતાર પર છે, કારણ કે અહીં આ દેશ ફીફા વિશ્વ કપ 2022ની યજમાની કરી રહ્યું છે.જ્યારે કતારને આ વિશ્વ કપની યજમાની મળી હતી ત્યારે ભારે વિવાદ થયેલો. એક સમય હતો કે જ્યારે આ દેશ ખૂબ જ ગરીબ હતો, ફણ આજે તે વિશ્વના સૌથી સમૃદ્ધ દેશોની યાદીમાં સામેલ છે અને વિશ્વના સૌથી મોટી સ્પોર્ટ્સ ઈન્વેન્ટની યજમાની કરી રહ્યું છે.

કતારમાં 28 લાખ વસ્તી, દરેક ત્રીજી વ્યક્તિ કરોડપતિ
કતાર ત્રણ બાજુએથી સમુદ્રથી ઘેરાયેલો દેશ છે, ભારતની માફક કતારે પણ ગુલામી સહન કરવી પડી હતી. તેણે એક નહીં પણ બે-બે દેશની ગુલામી ભોગવી હતી. પહેલા આ દેશ તુર્કીનો ગુલામ હતો અને ત્યારબાદ તેણે બ્રિટનનો ગુલામ રહ્યો હતો. તે સમયે તેમની સ્થિતિ યોગ્ય ન હતી. તે ખૂબ જ ગરીબ દેશ હતો. એક સમયે અહીંથી લોકો અન્ય દેશોમાં ભાગી રહ્યા હતા. અહીં મોટાભાગે માચ્છીમારો જ વસવાટ કરતા હતા. પણ વર્ષ 1950ની આસપાસ આ દેશમાં ક્રુડ ઓઈલ તથા ગેસનો ભંડાર મળ્યો.
હવે સ્થિતિ એવી છે કે કતારમાં અમેરિકા, દુબઈ તથા સાઉદી અરેબિયા કરતાં પણ વધારે સમૃદ્ધ લોકો અહીં વસવાટ કરે છે. અહીં પ્રત્યેક ત્રીજી વ્યક્તિ કરોડપતિ છે અને તેઓ વાર્ષિક 94 લાખ રૂપિયાની કમાણી કરે છે. કતાર પ્રતિ વ્યક્તિ આવકની બાબતમાં વિશ્વમાં 5મા ક્રમ પર છે. આ દેશમાં 28 લાખ વસ્તી છે અને ફક્ત 12 ટકા એટલે કે 3,36,000 લોકો કતારના મૂળ નિવાસી છે.

આ રીતે બન્યો સમૃદ્ધ દેશ
આજથી 50 વર્ષ અગાઉ આ દેશમાં રેત અને ઉજ્જડ જમીન સીવાય કંઈજ ન હતું. અહીં અગાઉ અગાઉ મોતિયો એટલે કે મૂંગા તૈયાર કરવામાં આવતા હતા. એટલે કે અહીં મોતિઓનો કારોબાર થતોો હતો. વર્ષ 1950 બાદ અહીં ઓઈલ અને ગેસનો વિશાળ જથ્થો મળી આવતા મોટા પાયે તેની વિશ્વના અન્ય દેશોમાં નિકાસ કરવાની શરૂઆત થઈ. આ ઉપરાંત માચ્છીમારીના કારોબારમાં પણ તે ખૂબ જ આગળ છે.

આ સુવિધા ફ્રીમાં મળે છે
આ દેશમાં કુદરતી ગેસનો પુરવઠાની બાબતમાં મોટું નામ છે અને તે આ પદાર્થને વિશ્વના સૌથી મોટા નિકાસકર્તા છે. અહીં લોકોને ટેક્સ આપવો પડતો નથી. અહીં લોકોને વીજળી, પાણી, મેડિકલ જેવી પાયાની સુવિધા ફ્રીમાં મળે છે.