વર્લ્ડ ચેમ્પિયનશિપ: પીવી સિંધુની કમાલ, સતત ત્રીજા વર્ષે ફાઈનલમાં

સ્વિટ્ઝર્લેન્ડ : ભારતની સ્ટાર બેડમિન્ટન ખેલાડી પીવી સિંધુએ વર્લ્ડ ચેમ્પિયનશિપ 2019ની મહિલા સિંગલની ફાઈનલમાં સ્થાન બનાવી લીધું છે. સેમી ફાઈનલમાં તેણે ચીનની ચે યૂ ફેઈને 21-7, 21-14થી હરાવી. તે સતત ત્રીજા વર્ષે આ ટૂર્નામેન્ટની ફાઈનલમાં પહોંચી. આની સાથે જ સિંધુએ આ ખેલાડી વિરુદ્ધ પોતાનો રેકોર્ડ 6-3 કરી લીધો. રિયો ઑલિમ્પિકની સિલ્વર મેડલિસ્ટ પ્રથમ ગેમથી જ ચાઈનીઝ ખેલાડી પર દબાણ બનાવી લીધું. તેણે માત્ર 15 મિનિટમાં જ ગેમ પોતાના નામે કરી લીધી, તેણે 8-3થી લીડ બનાવી. પ્રથમ ગેમમાં તે બ્રેક સુધી યૂ ફેની વિરુદ્ધ 11-3થી આગળ હતી. સિંધુએ આના પછી સતત ત્રણ અંક જીત્યા. તે સતત છ અંક જીતી 14-3થી આગળ હતી. ત્યારબાદ યૂ ફેઈને એક અંક જીતી આ ઘટનાક્રમમાં થોડો બ્રેક લગાવ્યો, પણ સિંધુએ તેને કમબેકનો કોઈ ચાન્સ ન આપ્યો અને 21-7થી ગેમ પોતાના નામે કરી લીધી. ફાઈનલમાં તેની ટક્કર ઈન્ડોનેશિયાની ઈંતાનોન રતચાનોક અને જાપાનની નોઝોમી ઓકુહારાની વચ્ચે બીજી સેમી ફાઈનલની વિજેતા સામે થશે. બીજી ગેમમાં યૂ ફેઈએ થોડો સંઘર્ષ કર્યો. બીજી ગેમમાં સિંધુ જ્યારે 9-4થી આગળ હતી ત્યારે યૂ ફેઈએ મેચમાં પ્રથમવાર સતત બે અંક જીત્યા. સિંધુ બીજી ગેમમાં બ્રેકમાં 11-7થી આગળ હતી. ત્યારબાદ સિંધુએ મેચ પર પોતાની મજબૂત પકડ બનાવાનું શરૂ કરી દીધું. સિંધુએ ખૂબ સારી રીતે કોર્ટ કવર કર્યું અને કેટલાક સ્માર્ટ શૉટ લીવ કર્યા. ક્વાર્ટર ફાઈનલમાં તાઈ જૂ યિંગને હરાવી હતી સિંધુએ ક્વાર્ટર ફાઈનલમાં ચીની તાઈપેની તાઈ જૂ યિંગને હરાવી આ ટૂર્નામેન્ટમાં પોતાનો પાંચમો પદક પાક્કો કરી લીધો હતો. સિંધુએ અગાઉ આ ટૂર્નામેન્ટમાં સતત બે વર્ષ સિલ્વર મેડલ જીત્યા છે. આ અગાઉ તેણે આ ટૂર્નામેન્ટમાં બે બ્રોન્ઝ મેડલ્સ પણ જીત્યા છે. તે વર્લ્ડ નંબર 2 જૂ યિંગને 12-21, 23-21, 21-19ના 71 મિનિટ ચાલેલા મુકાબલામાં હાર આપી હતી.