એપશહેર

6 વર્ષના ટેણિયાએ મમ્મીના iPadથી ગેમ્સમાં 11 લાખ ખર્ચી નાખ્યા, એપલે રિફન્ડની ના પાડી દીધી

I am Gujarat 15 Dec 2020, 3:30 pm
આજના સમયમાં જન્મના એક વર્ષમાં જ બાળક ટેકનોલોજીનો ઉપયોગ કરતા શીખી જાય છે. રડતા બાળકને ચૂપ કરાવવા અથવા તો તે બહાર ન જાય તે માટે માતા-પિતા મોબાઈલ કે ટેબલેટ ગેમ રમવા માટે આપી દેતા હોય છે. તેમાં પણ કોરોનાની મહામારીના કારણે બાળકોનું બહાર નીકળવું વધારે ગંભીર સાબિત થઈ શકે. એવામાં એક 6 વર્ષના બાળકે પોતાની મમ્મીના ટેબલેટ પર ગેમ્સ રમવામાં લાખો રૂપિયા ખર્ચી નાખ્યાનો મામલો સામે આવ્યો છે. જે બાદ આ મહિલા દેવામાં ડૂબી ગઈ છે.
I am Gujarat apple


જુલાઈ મહિનામાં ન્યૂયોર્ક પોસ્ટમાં આ મામલે સૌથી પહેલો અહેવાલ પ્રકાશિત થયો હત, જેમાં જેસિક્કા જોહનસન નામની મહિલાનો 6 વર્ષનો દીકરો જ્યોર્જ સાથે રહે છે. જેસિક્કા ઘરેથી કામ કરતી હતી અને પોતાના ખર્ચાઓ પર પણ ધ્યાન રાખી રહી હતી. તેણે દીકરાને પોતાનો iPad આપેલું હતું. જેમાં જ્યોર્જ ગેમ્સ રમતો, આ દરમિયાન તેણે ગેમ્સમાં કેટલાક ફીચર્સ અપડેટ કરવા ખરીદી કરી. 9મી જુલાઈએ જેસિક્કાને પેપલ અને એપલ તરફથી 25 ટ્રાન્ઝેક્શનનું 2500 ડોલરનું બીલ આવ્યું.

પહેલા તો જેસિક્કાને લાગ્યું કે તેની સાથે કોઈ છેતરપિંડી થઈ છે. આથી તેણે બેંકનો સંપર્ક કર્યો. જુલાઈના અંત સુધીમાં આ બીલની રકમ વધીને 16,293 ડોલર ( અંદાજિત 11.99 લાખ રૂપિયા) સુધી પહોંચી ગઈ. જોકે ઓક્ટોબર મહિનામાં તેને માલુમ પડ્યું કે તેની સાથે કોઈ છેતરપિંડી થઈ નથી અને આ ટ્રાન્ઝેક્શન તેના તરફથી જ કરવામાં આવ્યું છે અને તેને એપલનો સંપર્ક કરવા કહેવાયું.

જ્યારે જેસિક્કાએ એપલનો સંપર્ક કર્યો તો તેને ગેમ્સ પર કરાયેલા ખર્ચનું લાંબું લિસ્ટ અપાયું, તેને તરત જ માલુમ પડી ગયું કે આ પાછળ તેનો 6 વર્ષનો દીકરો જ્યોર્જ છે. જ્યારે તેણે એપલને રિફન્ડ માટે કહ્યું તો કંપની તરફથી કહેવાયું કે તેણે 60 દિવસની અંદર રિફન્ડની માગણી કરી નથી એવામાં હવે કશું થઈ શકે તેમ નથી. કંપની તરફથી કહેવામાં આવ્યું કે, ગેમમાં પેરેન્ટલ કન્ટ્રોલ માટેનું સેટિંગ્સ આવે છે, જે તેને માલુમ હોવું જોઈએ.

આ વિશે ન્યૂયોર્ક પોસ્ટ સાથે વાત કરતા જેસિક્કા કહે છે, 'જો મને ખબર હોત કે આ માટે સેટિંગ્સનું ઓપ્શન છે તો હું શા માટે મારા 6 વર્ષના દીકરાને ગેમ્સ પર 20,000 ડોલર જેટલો ખર્ચ કરવા દેત. આ ગેમ્સ સંપૂર્ણ રીતે લૂંટવા માટે બનાવાઈ છે અને બાળકો તેને ખરીદે છે.' તે એપલ પર આ પ્રકાર લૂંટનારી ગેમ્સ બનાવવાનો આરોપ પણ લગાવે છે.

ઉલ્લેખનીય છે કે એપલ પોતાના iPads, iPhones અને MacOSમાં પેરેન્ટલ કન્ટ્રોલનું ઓપ્શન ઉપલબ્ધ કરાવે છે. જેમાં એપ ખરીદીને લિમિટેડ રાખીને ડિવાઈસના ઉપયોગને પણ કન્ટ્રોલ કરી શકાય છે. જેથી બાળકને iPad યુઝ કરવા આપવાાં આવે ત્યારે કે ક્રેડિટ કાર્ડથી કોઈ વસ્તુની ખરીદી ન કરી શકે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો