નવી દિલ્હીઃ ફેસ્ટિવ સીઝન દરમિયાન ઈ-કોમર્સ કંપનીઓ ઘણી આકર્ષક ઓફર આપી રહી છે. Paytm પર ‘મહા કેશબેક કાર્નિવલ’ નામથી સેલ ચાલી રહ્યો છે. જેમાં ભારે કેશબેક અને ડિસ્કાઉન્ટ મળી રહ્યું છે. 29 સપ્ટેમ્બરથી શરૂ થયેલો આ સેલ 6 ઓક્ટોબર સુધી ચાલશે. હવે કંપનીએ ‘ક્રેકર ડીલ્સ’ની જાહેરાત કરી છે. જેમાં તમે રેડમીના ફોન માત્ર 99 રૂપિયામાં અને અન્ય બજેટ ફોન માત્ર 1 રૂપિયામાં ખરીદી શકો છો. ક્રેકર ડીલ્સ 2થી 6 ઓક્ટોબર સુધી ચાલશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: Paytmની ‘ક્રેકર ડીલ્સ’ રોજ સાંજે 6થી 8 વાગ્યા સુધી ચાલશે. આ ઓફર અંતર્ગત ફોન્સ પર કેશબેકના માધ્યમથી વધારે ડિસ્કાઉન્ટ મળશે. તેનો મતલબ છે કે તમારે ફોનની ઓરિજનલ કીંમત ચૂકવવી પડશે આ બાદ પેટીએમ ડિસ્કાઉન્ટ બાદ તે રકમને કેશબેક તરીકે તમને પાછી આપશે. જોકે પેટીએમએ ‘ક્રેકર ડીલ્સ’માં કયા કયા રેડમી ફોન અથવા બજેટ ફોન મળશે તેની જાહેરાત કરી નથી. માનવામાં આવી રહ્યું છે કે રોજ સાંજે સેલ શરૂ થવા પર તેની જાણકારી કંપની આપશે. પેટીએમનું કહેવું છે કે જો કાર્ટ વેલ્યૂ (ખરીદનાર સામાનની કિંમત) 5 હજાર રૂપિયાથી વધારે હશે તો આ સ્માર્ટફોન્સ પર બેંક ઓફર્સ પણ મળશે. બેંક ઓફર્સ અંતર્ગત એચડીએફસીના ડેબિટ, ક્રેડિટ કાર્ડ અને ઈએમઆઈ ટ્રાન્ઝેક્શન પર 10 ટકા ઈન્ટન્ટ ડિસ્કાઉન્ટ મળી રહ્યું છે. સ્માર્ટફોન્સ પર 10 હજાર સુધી કેશબેક બીજી તરફ પેટીએમ મહા કેશબેક કાર્નિવલ સેલમાં એપલ, સેમસંગ, ઓપ્પો, વીવો અને શાઓમી સહિત અન્ય કંપનીઓના સ્માર્ટફોન્સ પર ડિસ્કાઉન્ટ મળી રહ્યું છે. કંપનીએ કહ્યું કે તે સેલમાં સ્માર્ટફોન્સની ખરીદી પર 10 હજાર રૂપિયા સુધી કેશબેક અને 17 હજાર રૂપિયા સુધી એક્સચેન્જ બેનેફિટ્સ આપી રહી છે.