નવી દિલ્હીઃ કેબલ ટીવી સબ્સ્ક્રાઈબર્સ માટે એક સારી ખબર આવી છે. હવે તેમને 130 રૂપિયાના એનસીએફ ચાર્જમાં પહેલા કરતા વધારે ચેનલ જોવા મળશે. નવા ટૈરિફ નિયમો લાગુ થયા બાદ મોટાભાગ મોટાભાગના ગ્રાહકોની ફરિયાદ હતી કે તેમના માટે હવે ટીવી જોવાનું પહેલાથી વધારે મોંઘું થઈ ગયું છે. ટ્રાઈ આ મુશ્કેલીને દૂર કરવા માટે સતત પ્રયાસ કરી રહ્યું છે, પરંતુ ઓલ ઈન્ડિયા ડિજિટલ કેબલ ફેડરેશને ગ્રાહકોને તેમાંથી રાહત આપી દીધી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: હાલાં જ થયેલી મીટિંગમાં ઓલ ઈન્ડિયા ડિજિટલ કેબલ ફેડરેશને સબ્સ્ક્રિપ્શન કોસ્ટ ઓછી કરવા માટે કિંમતોમાં જરૂરી ફેરફાર કર્યાછે. ફેડરેશને નક્કી કર્યું છે કે હવે ગ્રાહકોને 130 રૂપિયામાં NCF ચાર્જ 150 સ્ટાન્ડર્ડ ડેફિનેશન (SD) ચેનલ જોવા મળશે જે પહેલા માત્ર 100 હતી. ફેડરેશનના પ્રેસિડેન્ટ એસ.એન શર્માએ કહ્યું કે તેમણે ફેડરેશનના મેમ્બર્સ સાથે આ વિશે ચર્ચા કરી છે. આ ચર્ચામાં 130 રૂપિયાના નેટવર્ક કેપેસિટી ફીસમાં 150 એસડી ચેનલ બતાવવાનો નિર્ણય કર્યો છે. પહેલાની વાત કરીએ તો જે સબ્સ્ક્રાઈબર્સ 100થી વધારે ચેનલ જોવા ઈચ્છતા હતા તેમને 25 ચેનલ માટે અલગથી 20 રૂપિયા આપવા પડતા હતા. આ હિસાબથી જોઈએ તો 150 ચેનલ માટે એનસીએફ ચાર્જ સાથે 170 રૂપિયા ચૂકવવા પડતા હતા. ફેડરેશન દ્વારા કરાયેલા ફેરફાર બાદ કેબલ ટીવી સબ્સ્ક્રાઈબર્સને આ નિયમ લાગૂ પડશે. ડીટીએચ સબ્સ્ક્રાઈબર્સને આ ફેરફાર માટે હજુ થોડી રાહ જોવી પડશે. ટેલિકોમ રેગ્યુલેટરી ઓથોરિટી ઓફ ઈન્ડિયાએ આ વર્ષે ડીટીએચ અને કેબલ નેટવર્ક માટે નવા ટૈરિફની જાહેરાત કરી છે. આ બાદ સબ્સ્ક્રાઈબર્સને મહિને પહેલા કરતા વધારે પૈસા ચૂકવવા પડે છે. નવા ટૈરિફ નિયમોને ટ્રાઈએ સબ્સ્ક્રાઈબર્સનું ટીવી જોવાનું બિલ ઓછું કરવા માટે લાગુ કર્યું હતું.