ચિંગારી એપ્લિકેશનનો દબદબો, Atma-Nirbhar App ચેલેન્જમાં સૌથી આગળ

નવી દિલ્હીઃ દેશી શોર્ટ વિડીયો મેકિંગ એપ Chingariને ભારત સરકારના #AtmaNirbharBharatApp ચેલેન્જમાં બેસ્ટ વિડીયો મેકિંગ એપનો ખિતાબ મળ્યો છે. સરકાર દ્વારા આયોજિત કરવામાં આવેલી આ ચેલેન્જ નવી જ હતી. ચિંગારી ટીમ માટે આ પ્રતિયોગિતા જીતવી એ એક મોટી ઉપલબ્ધિ છે. નંબર 1 બનવા માટે ચિંગારીએ અન્ય બીજા દેશી ફેમસ શોર્ટ વિડીયો મેકિંગ એપને પાછળ રાખી છે.

ચિંગારીને મળ્યા બમ્પર વોટ
ચિંગારીને સોશિયલ મીડિયા કેટેગરીમાં બેસ્ટ એપ્લિકેશન માટે બમ્પર વોટ મળ્યા હતાં. તેણે પોતાની હરિફ એપ્લિકેશન્સને મોટા અંતરેથી હરાવી હતી. મિનિસ્ટ્રી ઓફ ઈન્ફર્મેશન એન્ડ ટેક્નોલોજી દ્વારા કરવામાં આવેલા આયોજન અને એપ ઈનોવેશન ચેલેન્જનો હેતુ તેવી દેશી એપ્લિકેશનની ઓળખ કરાવવાનો હતો. જેને યૂઝર ઉપયોગ કરી રહ્યાં છે અને વર્લ્ડ ક્લાસ એપ્લિકેશન બનવાનો દમ છે.

ટોપ 3 એપમાં હતી 'ચિંગારી'
સોશિયલ મીડિયા કેટેગરીમાં બેસ્ટ એપ પસંદ થતાં પહેલા આ કેટેગરીની 3 બેસ્ટ એપ્લિકેશનમાં હતી ચિંગારી એપ. આ સ્પર્ધામાં હરીફ મિત્રો અને શેરચેટ મુખ્ય રાઉન્ડ માટે ક્વોલિફાઈ કરી શક્યા નહોતાં. આ કોમ્પિટિશનને જીતવી એટલા માટે પણ ખૂબ જ મુશ્કેલ હતી કારણકે તેમાં હજારો એપ્લિકેશને ભાગ લીધો હતો.

કંપનીએ જાહેર કરી ખુશી
ચિંગારી એપના કો-ફાઉન્ડર સુમિત ઘોષે કહ્યું કે જે ફીચર અમે ઓફર કરીએ છીએ તે યુવા ભારત માટે તૈયાર કરવામાં આવ્યું છે. અમે અમારા પ્લેટફોર્મ દ્વારા ભારતીય યૂઝર્સની પસંદગીનો પણ ખ્યાલ રાખીએ છીએ. ચિંગારીના કો-ફાઉન્ડર બિસ્વાત્મા નાયકે ભારત સરકાર અને યૂઝર્સ પાસેથી મળેલા આ પ્રેમ માટે તેમનો આભાર વ્યક્ત કર્યો હતો. નાયકે આગળ કહ્યું કે આ ઉપલબ્ધિથી તેમનો અને તેમની ટીમને બેસ્ટ યૂઝર એક્સપિરિયન્સ આપવા માટે કઠોર મહેનત કરવાની નવી ઉર્જા મળી છે.