Xiaomiની રૂ. 33.3 લાખની નકલી પ્રોડક્ટ્સ પકડાઈ, તમારું ડિવાઈસ પણ નકલી તો નથી ને?

નવી દિલ્હી: ભારતમાં સૌથી વધુ સ્માર્ટફોન માર્કેટ શેરની સાથે ચાઈનીઝ કંપની શાઓમી નંબર 1 પર છે. આ બ્રાન્ડ પોપ્યુલર હોવાને પગલે ઘણી બધી નક્લી પ્રોડક્ટ્સ શાઓમીના બ્રાન્ડિંગ સાથે વેચવામાં આવી રહી છે. હવે, ચેન્નઈ અને બેંગલુરુમાં ફેક શાઓમી પ્રોડક્ટ્સ સપ્લાય કરનારા સામે પગલાં લેવાયા છે અને પોલીસે 33.3 લાખ રૂપિયાની કિંમતની નકલી પ્રોડક્ટ્સ સીઝ કરી છે. ઓક્ટોબર અને નવેમ્બર મહિનામાં ત્રણ સપ્લાયર્સ પર પાડેલા દરોડા બાદ માર્કેટમાંથી ઘણી એવી પ્રોડક્ટ્સ મળી છે, જેને શાઓમીના બ્રાન્ડિંગ સાથે વેચવામાં આવી રહી હતી.

શાઓમીએ પોતે આ સપ્લાયર્સ સામે એક્શન લીધા અને પોલીસ ટીમની સાથે જઈને કંપનીના રિપ્રેઝન્ટેટિવ્સે 3000થી વધુ ફેક પ્રોડક્ટ્સ સીઝ કરાવી. તેમાં મોબાઈલ બેક કેસથી લઈને હેડફોન્સ, પાવર બેંક્સ, ચાર્જર અને ઈયરફોન્સ વગેરે સામેલ હતા. ચેન્નઈ અને બેંગલુરુ બંને શહેરોમાંથી 24.9 લાખ રૂપિયા અને 8.4 લાખ રૂપિયાની કિંમતની નકલી Mi India પ્રોડક્ટ્સ વેચી રહેલા શોપ ઓનર્સની ધરપકડ કરવામાં આવી છે. તપાસમાં બહાર આવ્યું છે કે, આ સપ્લાયર્સ લાંબા સમયથી એક્ટિવ હતા અને માર્કેટમાં ફેક પ્રોડક્ટ્સ સપ્લાય કરી રહ્યા હતા .

આ રીતે કરો ફેક શાઓમી પ્રોડક્ટ્સની ઓળખ
Mi પાવરબેંકથી લઈને ઓડિયા ડિવાઈસીઝ સુધી શાઓમીના મોટાભાગના પ્રોડક્ટ્સ પર અપાયેલા સિક્યોરિટી કોડને mi.com પર જઈને ચેક કરવામાં આવી શકે છે. તે ઉપરાંત ઓરિજનલ અને ફેક પ્રોડક્ટ્સની પેકેજિંગમાં ઘણો ફરક હોય છે. તમે કોઈપણ Mi Home કે Mi Store પર જઈને પેકેજિંગ વેરિફાઈ કરી શકો છો. તે ઉપરાંત mi.com પર દર્શાવાયેલા ઓરિજનલ Mi India લોગોવાળી જ પ્રોડક્ટ્સ ખરીદવી જોઈએ. આ રીતે Mi Band અને કંપનીની ફિટનેસ પ્રોડક્ટ્સ Mi Fit Appની સાથે કમ્પેટિબલ છે.

યૂઝર્સની પ્રાઈવેસી માટે પણ ખતરનાકકંપની તરફથી કહેવાયું છે કે, ફેક પ્રોડક્ટસ કસ્ટમરનો એક્સપીરિયન્સ ખરાબ કરવા ઉપરાંત તેમની સુરક્ષા માટે પણ ખતરો છે. તે ઉપરાંત કેટલાક ફેક પ્રોડક્ટ્સની મદદથી યૂઝર્સની પ્રાઈવસીને નુકસાન પહોંચાડી શકે છે. શાઓમી તરફથી એક સ્પેશયલ ટાસ્ક ફોર્સ માર્કેટને મોનીટર કરવા માટે તૈયાર કરવામાં આવી છે, જે ફેક પ્રોડક્ટ્સ તૈયાર કરનારા સામે એક્શન લઈ રહી છે. બાયર્સને ઓથોરાઈઝ્ડ શાઓમી સ્ટોરમાંથી જ ખરીદવાની સલાહ આપવામાં આવે છે.