ભારતમાં પહેલીવાર 64MP કેમેરા સાથેનો ફોન લોન્ચ થયો, કિંમત 15,999 રૂપિયા

નવી દિલ્હીઃ ચીનની કંપની રિયલમીએ પોતાનો નવો ફોન Realme XT લોન્ચ કર્યો છે. રિયલમી XTની ખાસ બાબત એ છે કે તેમાં 64MPનો કેમેરા છે. 64MP કેમેરા સાથે આ ભારતમાં લોન્ચ થયેલો પહેલો સ્માર્ટફોન છે. Realme XTની શરૂઆતની કિંમત 15,999 રૂપિયા રખાઈ છે. આ સ્માર્ટફોનનું પહેલું સેલિંગ 16 સપ્ટેમ્બરે બપોરે 12 વાગ્યાથી શરૂ થશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: 15,999 રૂપિયા છે શરૂઆતની કિંમત રિયલમીએ Realme XT ત્રણ વેરિયન્ટમાં લોન્ચ કર્યો છે. 4GB રેમ અને 64GB સ્ટોરેજવાળા વેરિયન્ટની કિંમત 15,999 રૂપિયા છે. જ્યારે 6GB રેમ અને 64GB સ્ટોરેજ વેરિયન્ટની કિંમત 16,999 રૂપિયા છે. જ્યારે 8GB રેમ અને 128GB સ્ટોરેજ વેરિયન્ટની કિંમત 18,999 રૂપિયા છે. ફોનમાં 4 રિયર કેમેરા Realme XT સ્માર્ટફોનના રિયરમાં ક્વોડ કેમેરા સેટઅપ અપાયું છે. એટલે કે ફોનના બેકમાં 4 કેમેરા આપેલા છે. ફોનના બેકમાં 64MPનો મેઈન કેમેરા છે. આ ઉપરાંત 8MPનો વાઈડ એન્ગલ સેન્સર, 2MPનો મેક્રો કેમેરા અને 2MP ડેપ્થ સેન્સર આપેલું છે. 16MPનો ફ્રન્ટ કેમેરા સ્માર્ટફોનના ફ્રન્ટમાં સેલ્ફી માટે 16MPનું Sony iMX 471 સેન્સર આપેલું છે. ફ્રંટ કેમેરામાં આર્ટિફિશિયલ ઈન્ટેલિજન્સ (AI) બ્યૂટિફિકેશન ફીચર પણ છે. આ સ્માર્ટફોનમાં 6.4 ઈંચની સુપર AMOLED ડિસ્પલે આપેલી છે. ફોનમાં સ્ક્રીન પ્રોટેક્શન માટે કોર્નિંગ ગોરિલ્લા ગ્લાસ 5 પ્રોટેક્શન આપેલું છે. રિયલમી XTના બેકમાં ગોરિલ્લા ગ્લાસ 5 પ્રોટેક્શન સાથે 3D ગ્લાસ આપેલો છે. ફોન અનલોક થવા 334 મિલી સેકન્ડ Realme XT સ્માર્ટફોન પર્લ વ્હાઈટ અને પર્લ બ્લ્યૂ કલરમાં મળશે. આ સ્માર્ટફોનમાં ઈન-ડિસ્પલે ફિંગરપ્રિન્ટ સ્કેનર છે. ફોનને અનલોક થવામાં માત્ર 334 મિલી સેકન્ડનો સમય લાગે છે. Realme XT સ્માર્ટફોનમાં સ્નેપડ્રેગન 712 AIE પ્રોસેસર આપેલું છે. ફોનમાં 4000mAhની બેટરી Realme XT સ્માર્ટફોનમાં 4000mAhની બેટરી આપેલી છે જે 20વોટ VOOC 3.0 ફાસ્ટ ચાર્જિંગ સપોર્ટ સાથે આવે છે. કંપનીનું કહેવું છે કે આ સ્માર્ટફોન માત્ર 80 મિનિટમાં 0થી 100 ટકા ચાર્જ થઈ જાય છે. કંપનીનો દાવો છે કે ફોનની બેટરી આખો દિવસ સુધી યુઝ કરવા માટે પર્યાપ્ત છે.