આ ઑફરથી 3 મહિના સુધી ડેટા અને કૉલ ફ્રી

રિલાયન્સ જિયોની 4G સર્વિસની કોમર્શિયલ લૉન્ચિંગ 15 ઑગષ્ટના રોજ થશે પરંતુ તે પહેલાં જ લોકોને પોતાના તરફ આકર્ષી રહી છે. રિલાયન્સે તાજેતરમાં જ ઘોષણા કરી હતી કે સેમસંગ, એપલ અને રિલાયન્સ લાઈફ બ્રાંડ સ્માર્ટફોન યૂઝર્સને રિલાયન્સ જિયો પ્રીવ્યુ ઑફરનો ફાયદો મળશે.

રિલાયન્સે ઘોષણા કરી છે કે આ ઑફર અંતર્ગત યૂઝર્સને 3 મહિના સુધી અનલિમિટેડ ડેટા, કૉલ્સ, વિડિયો ઑન ડિમાન્ડ, મ્યુઝિક ઑન ડિમાન્ડ અને લાઈવ ટીવી સ્ટ્રીમીંગ સહિત આંતરરાષ્ટ્રીય સર્વિસિસ ફ્રી મળશે.

આઈફોનમાં આ રીતે મળશે રિલાયન્સ જિયો પ્રીવ્યુ ઑફર- જેવું રિલાયન્સ પ્રીવ્યુ ઑફર લાઈવ થશે, નીચે લખેલા સ્ટેપ્સ ફૉલો કરીને તમે પણ આ ઑફરનો લાભ મેળવી શકશો.. 1. સૌથી પહેલાં MyJioApp એપસ્ટોર ડાઉનલોડ કરો. 2. હવે રિલાયન્સ જિયો સીમ કાર્ડ મેળવવા માટે MyJioAppનો ઉપયોગ કરીને કોડ જનરેટ કરો. કોડ જનરેટ કર્યા બાદ દેશના કોઈ પણ રિલાયન્સ ડિજીટલ અથવા ડિજીટલ એક્સપ્રેસ સ્ટોરથી તમને સીમ કાર્ડ મળી જશે. 3. બસ આટલું કરતાં જ તમને આઈફોનમાં રિલાયન્સ જિયો પ્રિવ્યુ ઑફરનો લાભ મળશે.

લૉન્ચિંગ પહેલાં જ 15 લાખ યૂઝર્સ સાથે રિલાયન્સ જિયોને એક મોટી હિટ મેળવવાની આશા છે. આ ઑફર મોટી સંખ્યામાં ગ્રાહકોને આકર્ષી રહી છે જે રિલાયન્સ જીયોની સફળતાનો સંકેત જણાઈ રહ્યો છે.