ચીનને વધુ એક ઝટકો, Googleએ હટાવી 2500 યૂટ્યૂબ ચેનલ

નવી દિલ્હી: Googleને ચીન સાથે સંબંધિત 2,500થી વધુ યૂટ્યૂબ ચેનલ ડિલિટ કરી દીધી છે. ટેક દિગ્ગજનું કહેવું છે કે, આ ચેનલ્સને ભ્રામક જાણકારી ફેલાવાને કારણે વિડીયો શેરિંગ પ્લેટફોર્મ પરથી હટાવવામાં આવી છે. આલ્ફાબેટની માલિકીવાળી કંપની ગૂગલે જણાવ્યું કે, આ યૂટ્યૂબ ચેનને એપ્રિલ અને જૂનની વચ્ચે યૂટ્યૂબ પરથી હટાવવામાં આવી છે. આવું ચીન સાથે જોડાયેલા ઈન્ફ્લુએન્સ ઑપરેશન્સ માટે ચાલી રહેલી અમારી તપાસ અંતર્ગત કરવામાં આવ્યું.

યૂટ્યૂબે જણાવ્યું કે, આ ચેનલ્સ પર સામાન્યપણે સ્પેમી, નૉન-પૉલિટિકલ કન્ટેન્ટ પોસ્ટ કરવામાં આવી રહ્યું હતું. આમાં પૉલિટિક્સ સાથે જોડાયેલી વાતો પણ હતી. ગૂગલે પોતાની ભ્રામક જાણકારી માટે ચાલનારા ઑપરેશન્સના ક્વાર્ટરલી બુલેટિનમાં આ જાણકારી આપી.

જોકે, ગૂગલે આ ચેનલ્સના નામનો ખુલાસો કર્યો નથી પણ બીજી કેટલીક જાણકારી આપી છે. કંપનીએ જણાવ્યું કે, ટ્વીટર પર પણ આવી જ એક્ટિવિટી વાળી વિડીયો લિંક જોવા મળી. સોશિયલ મીડિયા એનાલિટિક્સ કંપની Graphikaએ એપ્રિલમાં ડિસઈન્ફર્મેન્શનલ કેમ્પેઈન અંતર્ગત આની ઓળખ કરી.

અમેરિકામાં ચાઈનીઝ એમ્બેસીએ આ અંગે કોઈ ટિપ્પણી કરી નથી. આના પહેલા ચીન ભ્રમિત અને ખોટી જાણકારી ફેલાવવા સાથે જોડાયેલા તમામ આરોપોનું ધડ-મૂળથી ખંડન કરી ચૂક્યું છે.

જણાવી દઈએ કે, ગૂગલ અને ફેસબુક જેવી કંપનીઓ સતત ભ્રામક જાણકારી અને ફેક ન્યૂઝ પર અપડેટ આપીને જણાવી રહ્યા છે કે, તેઓ કેવી રીતે ઑનલાઈન પ્રૉપગેન્ડા સામે લડી રહ્યા છે. 2016માં અમેરિકન પ્રેસિડેન્ટ ઈલેક્શનમાં ઑનલાઈન પ્રોપગેન્ડાને રિપીટ કરવાથી બચવા માટે છેલ્લા 4 વર્ષમાં ઘણા પ્રયાસ કરવામાં આવ્યા છે. ગૂગલે પોતાના બુલેટિનમાં ઈરાન અને રશિયા સાથે જોડાયેલી એક્ટિવિટીનો પણ ઉલ્લેખ કર્યો.

નોંધપાત્ર વાત છે કે, તાજેતરમાં જ ભારતે પણ ચીનની ઘણી એપ્સ બેન કરી છે. આ ઉપરાંત અન્ય ચાઈનીઝ એપ્સ પર પણ ચાંપતી નજર રાખવામાં આવી રહી છે. ચાઈનીઝ શૉર્ટ વિડીયો પ્લેટફોર્મ ટિકટૉકને પણ ભારતમાં બેન કરી દેવામાં આવ્યું છે.