Instagram Down: ઈન્સ્ટાગ્રામ પર કેટલાક યુઝર્સના એકાઉન્ટ સસ્પેન્ડ થયા, એક્સેસ થવામાં સમસ્યા થતા લોકોમાં મચ્યો હોબાળો

હાલ ઘણા લોકોના ઈન્સ્ટાગ્રામ એકાઉન્ટ સસ્પેન્ડ થઈ રહ્યા છે. ટ્વિટર પર ઘણા યુઝર્સ સ્ક્રીનશોટ શેર કરી રહ્યા છે કે તેમનું એકાઉન્ટ સસ્પેન્ડ કરવામાં આવ્યું છે. કેટલાક લોકોને ઇન્સ્ટાગ્રામ એક્સેસ કરવામાં પણ અનેક મુશ્કેલી આવી રહી છે. કંપનીએ આ અંગે એક નિવેદન જાહેર કર્યું છે. ઇન્સ્ટાગ્રામના આ મુદ્દાને લઇ કંપનીએ ટ્વીટ કરીને જણાવ્યું કે અમને ખબર છે કે તમારામાંથી કેટલાકને તમારા Instagram એકાઉન્ટને ઍક્સેસ કરવામાં સમસ્યા આવી રહી છે. અમે તેની તપાસ કરી રહ્યા છીએ અને અસુવિધા માટે માફી માંગીએ છીએ. #instagramdown ઈન્સ્ટાગ્રામના કેટલાય યુઝર્સ એકાઉન્ટ સસ્પેશનની ફરિયાદો કરી રહ્યા છે. તો કેટલાકને ઈન્સ્ટાગ્રામને એક્સેસ કરવામાં તકલીફ પડી રહી છે. મહત્વનું છે કે થોડા દિવસ પહેલા જ WhatsApp પણ દોઢ કલાક સુધી ડાઉન હતું. પરંતું હંમેશાની જેમ ફેસબુક દ્વારા આ વખતે પણ WhatsApp બંધ રહેવા પર કોઈ જ કારણ નથી બતાવ્યું ન હતું.

જો.કે આજના આધુનિક યુગમાં અનેક લોકો સોશિયલ મીડિયા સાથે મિનીટ ટૂ મિનીટ જોડાયેલા હોય છે. ત્યારે થોડીવાર માટે પણ કોઈ સમસ્યા સર્જાય તો તેઓ હેરાન પરેશાન થઇ જતા હોય છે. થોડીવાર પહેલા ઈન્સ્ટાગ્રામમાં અચાનક અનેક સમસ્યા આવવા લાગી હતી. જેમાં કેટલાક લોકોના એકાઉન્ટ સસ્પેન્ડ થવા લાગ્યા તો કેટલાક લોકોના એકાઉન્ટ એક્સેસ થવાનું બંધ થઇ જતા લોકો હેરાન પરેશાન થઇ ગયા હતા