એન્ડ્રોઈડ સ્માર્ટફોનનો ડેટા સુરક્ષિત રાખવા માટે તમે સ્માર્ટફોનમાં પિન, પાસવર્ડ અથવા પેટર્ન જેવી સ્ક્રિન લોકનો ઉપયોગ કરતાં હશો. સ્માર્ટફોન યૂઝર્સને હંમેશા એવા પાસવર્ડ અથવા પેટર્ન સેટ કરવાની સલાહ આપવામાં આવે છે. જેથી બીજા વ્યક્તિ દ્વારા અનુમાન લગાવીને ખોલવાનું મુશ્કેલ રહે. જોકે, અનેકવાર એવું પણ થઈ જાય છે કે આપણે પોતાનો પાસવર્ડ ભૂલી જઈએ છીએ. જો તમે પણ કોઈ આવી સ્થિતિમાં ફસાઈ જાઓ તો અમે જણાવી રહ્યાં છીએ સરળ રીત…
પહેલી રીતઃ એન્ડ્રોઈડ ડિવાઈસની મદદથી
પોતાના પીસી અથવા ફોન પર ‘https://myaccount.google.com/find-your-phone-guide’ઓપન કરો. હવે પોતાના ફોનથી લિંક કરેલા ગુગલ એકાઉન્ટ પર લોગ ઈન કરો. લોગ ઈન કર્યા પછી લિસ્ટમાંથી પોતાના ડિવાઈસની પસંદગી કરો. જેને તમે અનલોક કરવા ઈચ્છતા હોવ.
નવો પાસવર્ડ એન્ટર કરો
હવે ‘Lock your phone’ ઓપ્શન સિલેક્ટ કરો. હવે પોતાના ફોનના જુના પિન, પેટર્ન અથવા પાસવર્ડને રિપ્લેસ કરવા માટે પોતાનો નવો પાસવર્ડ એન્ટર કરો. નીચે ‘Lock’ બટન પર ક્લિક કરો. હવે પોતાના સ્માર્ટફોનમાં જાઓ અને નવા પાસવર્ડની મદદથી અનલોક કરીને નવો સ્ક્રિનલોક સેટ કરો.
બીજી રીતઃ ‘Ok Google’ વોઈસ આસિસ્ટન્ટ
જો તમે તમારુ ગૂગલ આસિસ્ટન્ટ સારી રીતે સેટ કર્યું હશે તો તમારુ ધ્યાન ‘Unlock with voice’ ઓપ્શન પર જરુર ગયું હશે. આ ફિચર્સ રેકોર્ડ વોઈસના બેઝ પર કામ કરે છે. આ ફીચર ઓન હશએ તો તમે સરળતાથી ‘Ok Google’ કહીને તમારો સ્માર્ટફોન અનલોક કરી શકશો.
ત્રીજી રીતઃ સેમસંગ યૂઝર્સ માટે
જો તમારા સેમસંગ સ્માર્ટફોનમાં સેમસંગ એકાઉન્ટ સિંક હોય તો આ સ્ટેપ્સ ફોલો કરો. ‘https://findmymobile.samsung.com/’ને ઓપન કરો અને આઈડી તેમજ પાસવર્ડની મદદથી લોગ ઈન કરો. ‘Unlock’નો ઓપ્શન સિલેક્ટ કરો અને પોતાનો એકાઉન્ટ પાસવર્ડ સિલેક્ટ કરો અને કન્ફર્મ કરીને સ્માર્ટફોનને અનલોક કરો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.