તમને પણ મળ્યો હોય આવો મેસેજ તો કંઈપણ કરતા પહેલા ગૃહ મંત્રાલયે આપેલી ચેતવણી જાણી લેજો

આમ તો, ભારતીય યૂઝર્સે ઓનલાઈન બેન્કિંગ તરફ પોતાનો ઝૂકાવ ત્યારે જ બતાવી દીધો હતો જ્યારે કોરોનાના કારણે દુનિયા ડિજિટલ બની રહી હતી. ઓનલાઈન બેન્કિંગનો પ્રસાર વધ્યો છે. પહેલા લોકોને રૂપિયા ટ્રાન્સફર કરવા માટે લાંબી લાઈનોમાં ઊભું રહેવું પડતું હતું, હવે માત્ર થોડી ક્લિક્સમાં જ આ કામ સરળતાથી થઈ જાય છે. જોકે, જેટલા લોકો ડિજિટલ થવા લાગ્યા છે, એટલો જ બેન્કિંગ ફ્રોડ્સ પણ વધારો થયો છે.

આ પ્રકારના કેસો છેલ્લા ઘણા વર્ષોથી વધ્યા છે. સરકાર અને બેંકોએ બીડું ઉઠાવ્યું છે કે, તે લોકોને સાઈબર ક્રાઈમ માટે સચેત કરશે. પરંતુ, તો પણ આ પ્રકારના ક્રાઈમ બંધ નથી થઈ રહ્યા. સાઈબર ક્રિમિનલ લોકોને લૂંટવા માટે ઘણી રીતો અપનાવે છે. આવી જ ક નવી રીત આજકાલ સાઈબર ફ્રોડ કરનારા અજમાવી રહ્યા છે. આ વાતની જાણકારી ગૃહ મંત્રાલયે આપી છે.

સરકારે એક ટ્વિટર હેન્ડલ જેનું નામ સાઈબલ દોસ્ત છે, તેના દ્વારા લોકોને આ નવી રીત સામે ચેતવણી આપી છે. મંત્રાલયે લોકોને સચેત કર્યા છે કે તે આ પ્રકારની કોઈ ભૂલ ન કરે. સાથે જ કહ્યું છે કે, મેસેજમાં આવનારી કોઈપણ લિંકને ક્લિક ન કરે.

સાઈબર ફ્રોડ કરનારા યૂઝર્સને એક મેસેજ મોકલે છે, જેમાં લખેલું હોય છે કે, પોતાન બેંક અકાઉન્ટમાં નોમિનીને જોડવામાં આવ્યા છે. તમે 30 મિનિટમાં નોમિનીના ખાતામાં રૂપિયા ટ્રાન્સફર કરી શકશો. જો, તમે એવું નથી કર્યું તો આ લિંક પર ક્લિક કરી તમે ફરિયાદ નોંધાવી શકો છો.

તમને જણાવી દઈએ કે, આ લિંક પર ક્લિક કરી હેકર્સ તમારી બધી માહિતી ચોરી લે છે. એવામાં ક્યારે એવી લિંક પર ક્લિક ન કરો, કેમકે ઘણી વખત લોકો સમજ્યા વિચાર્યા વિના લિંક પર ક્લિક કરી દે છે અને હેકર્સ તેમની જાણકારી મેળવી લે છે. ગૃહ મંત્રાલય તરફથી સાઈબર દોસ્ત દ્વારા જ ટ્વીટ કરાી છે, તેમાં આ મેસેજ કેવો હોય છે તે દર્શાવાયો છે. જો તમારી પાસે પણ આવો કોઈ મેસેજ આવ્યો છે, તો તેની ફરિયાદ તાત્કાલિક સાઈબર ક્રાઈમમાં કરો. સાથે જ મેસેજમાં અપાયેલી કોઈપણ લિંક પર ક્લિક ન કરો.
હેકર્સ યૂઝર્સને ઘણા પ્રકારના મેસેજ મોકલે છે. તેમાં યૂઝર્સને વોર્નિંગ આપીને કે કોઈ પ્રકારનો ખતરો બતાવી ગુમરાહ કરવાનો પ્રયાસ કરે છે. આ મેસેજિસમાં લિંક પણ અપાયેલી હોય છે, જેના પર તમે ભૂલથી પણ ક્લિક કરો છો તો તમારી જાણકારી હેકર્સ સુધી પહોંચી જાય છે. એવામાં હંમેશા એ ધ્યાન રાખો કે, ઉતાવળમાં કોઈપણ પ્રકારની લિંક પર ક્લિક ન કરો.

તમારે હંમેશા એ વાતનું ધ્યાન રાખવું જોઈએ કે, તમને મેસેજ ક્યાંથી મોકલવામાં આવ્યો છે. લિંક સુરક્ષિત છે કે નહીં એ જાણવું ઘણું જરૂરી છે. જો તમને લિંકમાં કોઈપણ શંકા જેવું લાગે છે તો તમે તેની ફરિયાદ સાઈબર ક્રાઈમમાં કરી શકો છો.