ધમાકેદાર કમબેક માટે તૈયાર છે Micromax, લૉન્ચ કરશે 20 નવા સ્માર્ટફોન

નવી દિલ્હી: Micromax પોતાના ધમાકેદાર કમબેક માટે તૈયાર છે. કંપનીએ પોતાના ઑફિશિયલ ટ્વીટર હેન્ડલ પરથી એક વિડીયો પોસ્ટ કરી જણાવ્યું છે કે, તે ટૂંક સમયમાં વાપસી કરી રહી છે. થોડા દિવસોમાં સામે આવેલા રિપોર્ટ્સ અનુસાર, કંપની આવનારા કેટલાક મહિનાઓમાં 20 નવા હેન્ડસેટ્સ લૉન્ચ કરશે. આ 20 સ્માર્ટફોન્સમાંથી એક આગામી મહિને એટલે કે સપ્ટેમ્બરના અંત સુધીમાં લૉન્ચ શઈ શકે છે.

પોતાને 'Reinvent' કરી રહી હતી કંપની

નવા સ્માર્ટફોન્સના રિસર્ચ અને ડેવલપમેન્ટની સાથે કંપનીએ મેન્યુફેક્ચરિંગ માટે 500 કરોડ રૂપિયા અલગ કરી દીધા છે. જો કંપની દ્વારા શેર કરવામાં આવેલા ટ્વીટર વિડીયોની વાત કરીએ તો તેમાં 2008 બાદ લૉન્ચ થયેલા તમામ સ્માર્ટફોન્સની ઝલક દેખાડવામાં આવી છે અને આમાં કંપની કહેવા માગી રહી છે કે, તે હવે પોતાની 'Reinvent' કરવા જઈ રહી છે.


જૂનું સ્થાન પાછું મેળવવાનો પ્રયત્ન

અહીં માઈક્રોમેક્સે એ પણ જણાવ્યું છે કે, તે મેક ઈન ઈન્ડિયા પ્રોગ્રામ શરૂ થયાના ઘણા પહેલેથી પોતાની પ્રૉડક્ટ્સને ઈન્ડિયામાં બનાવી રહી છે. કંપનીના કો-ફાઉન્ડર રાહુલ શર્માએ કહ્યું કે, કંપની ફરીથી સ્માર્ટફોન માર્કેટમાં પોતાના જૂનું સ્થાન મેળવવા ઈચ્છી રહી છે. આની સાથે જ તેમણે એમ પણ કહ્યું કે, માઈક્રોમેક્સના નવા ફોન માર્કેટમાં ઘણી હલચલ પેદા કરી દેશે.

ભારત-ચીનના તણાવ પહેલાથી પ્લાનિંગ

રાહુલ શર્માએ સ્પષ્ટ કર્યું કે, કંપની ભારત અને ચીન વચ્ચે ચાલી રહેલા વિવાદને જોતા કમબેક નથી કરી રહી. તેમણે કહ્યું કે, સ્માર્ટફોન્સનું પ્લાનિંગ એક રાતમાં થઈ જતું નથી અને માઈક્રોમેક્સ ભારત-ચીન વચ્ચે શરૂ થયેલા સીમા વિવાદના ઘણા પહેલા જ કમબેક અને નવા સ્માર્ટફોન્સ લૉન્ચ કરવાનું વિચારી રહી હતી.