થઈ જાઓ તૈયાર! આવી રહ્યો છે વધુ સસ્તો onePlus nord, જાણો ડિટેલ્સ

નવી દિલ્હી: OnePlusએ તાજેતરમાં પોતાનો સૌથી સસ્તો સ્માર્ટફોન OnePlus Nord લૉન્ચ કર્યો હતો. લૉન્ચ પહેલા જ આ ફોન ઘણો ચર્ચામાં રહ્યો. ફોન પોતાના સસ્તા પ્રાઈસટેગ ઉપરાંત શાનદાર ફીચર્સ અને શાનદાર લુક્સના કારણે પણ ચર્ચામાં છે. હવે ચર્ચા છે કે કંપની વધુ સસ્તો નૉર્ડ ફોન લાવવાની તૈયારી કરી રહી છે. રિપોર્ટ છે કે કંપનીએ આના પર કામ પણ શરૂ કરી દીધું છે. રિપોર્ટમાં જણાવવામાં આવ્યું છે કે, કંપની એક નહીં પણ બે સસ્તા સ્માર્ટફોન્સ પર કામ કરી રહી છે. આ ફોન કંપનીની નૉર્ડ સીરિઝના ભાગ હોઈ શકે છે. ફોન અંગે વધુ જાણકારી હજુ સામે આવી નથી.

5G કનેક્ટિવિટીથી સજ્જ થશે બંને ફોન

વનપ્લસના બંને ફોન અફોર્ડેબલ ફોન 5G કનેક્ટિવિટીથી સજ્જ થશે. આ ઉપરાંત આ બંને ફોન સ્નેપડ્રેગન 690થી સજ્જ હશે. XDA Developersએ પોતાના એક રિપોર્ટમાં આ જાણકારી આપી. રિપોર્ટમાં એ પણ કહેવામાં આવ્યું છે કે, આ બંને ફોનને Billie 2T અને Billie 8T કોડનેમ આપવામાં આવ્યું છે.

વનપ્લસ નૉર્ડની ભારતમાં કિંમત

વનપ્લસે નૉર્ડ કંપનીએ તાજેતરમાં લૉન્ચ કર્યો હતો. વનપ્લસ નૉર્ડ સ્માર્ટફોન 6GB રેમ+ 64GB સ્ટોરેજ, 8GB રેમ+128GB સ્ટોરેજ અને 12GB રેમ+ 256GB સ્ટોરેજ આ ત્રણ વેરિયન્ટમાં લૉન્ચ કરવામાં આવ્યો છે. ભારતમાં 6GB રેમ અને 64GB સ્ટોરેજવાળા વેરિયન્ટ માત્ર ભારતમાં લૉન્ચ કરવામાં આવ્યો છે. આની કિંમત 24,999 રૂપિયા છે. તે સપ્ટેમ્બરમાં ઉપલબ્ધ થશે. બીજી તરફ 8GB+128GB સ્ટોરેજવાળા વેરિયન્ટની કિંમત 27,999 રૂપિયા છે. જ્યારે 12GB રેમ અને 256GB સ્ટોરેજવાળા વેરિયન્ટની કિંમત 29,999 રૂપિયા છે.

ધાંસૂ ફીચર્સથી સજ્જ છે વનપ્લસ નૉર્ડ

વનપ્લસ નૉર્ડ ફોનમાં કંપનીએ 6.44 ઈંચની એમોલેડ ડિસ્પ્લે આપવામાં આવી છે, જે 90Hz રિફ્રેશ ઑફર કરે છે. ફોનના બેક અને ફ્રન્ટમાં કૉર્નિંગ ગોરિલ્લા ગ્લાસ 5નું પ્રોટેક્શન આપવામાં આવ્યું છે, જે સ્ક્રેચ અને ક્રેકથી આને પ્રોટેક્ટ કરે છે. વનપ્લસ નૉર્ડને 4 રિયર કેમેરા સાથે લૉન્ચ કરવામાં આવ્યો છે. એટલે ફોનની પાછળ 4 કેમેરા લાગેલા છે. ફોનની પાછળ મેઈન કેમેરા 48 મેગાપિક્સલનું Sony IMX586 સેન્સર આપવામાં આવ્યું છે. આ ઉપરાંત ફોનના બેકમાં 8 મેગાપિક્સલનો અલ્ટ્રા વાઈડ કેમેરા, 5 મેગાપિક્સલનું ડેપ્થ સેન્સર અને 2 મેગાપિક્સલનો મેક્રો લેન્સ આપવામાં આવ્યો છે. ફોનના ફ્રન્ટમાં ડ્યૂઅલ પંચહોલ કેમેરા સેટઅપ આપવામાં આવ્યું છે. વિડીયો કૉલિંગ અને સેલ્ફી માટે ફોનના ફ્રન્ટમાં 32 મેગાપિક્સલનો પ્રાઈમરી કેમેરા અને 8 મેગાપિક્સલનું અલ્ટ્રા-વાઈડ ઈમેજ સેન્સર આપવામાં આવ્યું છે.