નવા ડિવાઈસમાં હિંજ મિકેનિઝમ
ફોલ્ડીંગ સ્ક્રીન માટે મોટોરોલાએ આ નવા ડિવાઈસમાં ખૂબ જ ખાસ હિંજ મિકેનિઝમ આપ્યું છે અને લેનોવોએ તેના વિશે ડિટેલ્સ શેર કરી છે. કંપનીએ કહ્યું કે, Motorola RAZR 5G ઈન્ડસ્ટ્રીનો એક્સક્લુઝિવ 100થી વધારે પેટેન્ટ્સવાળા 'સ્ટાર ટ્રેક' શાફ્ટનો ઉપયોગ કરે છે. આ હિંજની મદદથી સ્ક્રીન કર્વ્ડ થઈને વળી જાય છે. આ ઉપરાંત વારંવાર વચ્ચેથી વાળવા છતા ફોન ઓપન કરતા જ ડિસ્પલે ફ્લેટ થઈ જાય છે અને સરળતાથી ઉપયોગ કરી શકાય છે. કંપની પોતાની RAZR ફ્લીપ ફોન સીરિઝના આધારે નવો ડિવાઈસ લઈને આવી છે.
પાંચ વર્ષથી વધારે છે ફોનની લાઈફ
રિસર્ચર્સનું કહેવું છે કે Motorola RAZR 5Gને 2 લાખ વખત ફોલ્ડ-અનફોલ્ડ કરી શકાય છે. તેનો મતલબ છે કે કોઈ યુઝર આ ફોનને ઓછામાં ઓછા પાંચ વર્ષ સુધી વાપરી શકે છે. તે ઉપરાંત Motorola RAZR 5G ફ્લેક્સિલબ સ્ક્રીનનો ઉપયોગ વોટરડ્રોપ શેપમાં કરે છે, જે સૌથી પહેલા લેનેવો રિસર્ચ ઈન્સ્ટીટ્યુટ તરફથી રજૂ કરાઈ છે. આવા શેપની મદદથી ફોનને અંદરની તરફ વાળી શકાય છે. આ ઉપરાંત ઈલાસ્ટિક મેટલ સ્ટ્રક્ચર ડિસ્પલેને ઓપન કરવા પક ફ્લેટ રાખે છે અને તેના પર કરચલી નથી પડવા દેતી.
મોટોરેલા RAZR 5Gના સ્પેસિફિકેશન્સ
મોટોરોલાના નવા ફોલ્ડેબલ સ્માર્ટફોનમાં 6.2 ઈંચની OLED ડિસ્પલે આપેલી છે, જે ફોલ્ડ થઈ શકે છે. આ ઉપરાંત ફોનની બહાર તરફ સેકન્ડ સ્ક્રીન પણ આપવામાં આવી છે. જેની સાઈઝ 2.7 ઈંચની છે. પાવરફુલ પરફોર્મન્સ માટે Motorola RAZR 5Gમાં ક્વોલકોમ સ્નેપડ્રેગન 765G પ્રોસેસર આપેલું છે. વાત કરીએ કેમેરાની તો ફોનમાં પ્રાઈમરી કેમેરા 48MPનો આપેલો છે અને સેલ્ફી કેમેરા 20MPનો છે. આ ડિવાઈસમાં 2800mAhની બેટરી મળે છે, જેની સાથે 15W ફ્લેશ ચાર્જિંગ સપોર્ટ પણ મળે છે.