જિયો ફોનમાં આવ્યું વૉટ્સએપ આ રીતે કરો ડાઉનલોડ

I am Gujarat

જેની બહુ રાહ જોતા હતા તે વોટ્સએપ આવી ગયું જિયો ફોનમાં

નવી દિલ્હીઃ જિયો ફોન યુઝર્સ જે દિવસની રાહ જોતા હતા તે દિવસ આખરે આવી ગયો છે. આજથી જિયો ફોન અને જિયો ફોન 2માં લોકપ્રિય મેસેજિંગ એપ વૉટ્સએપનો આનંદ ઉઠાવી શકાશે. હવે ગ્રાહકો આ એપને ફોનના એપ સ્ટોરમાંથી ડાઉનલોડ કરી શકે છે. પાછલા કેટલાય દિવસોથી આ અંગે અહેવાલ આવતા રહેતા હતા.

જિયોએ સત્તાવાર રીતે કરી જાહેરાત

હવે કંપનીએ પ્રેસ રિલીઝ જાહેર કરીને સત્તાવાર રીતે રોલ આઉટની ઘોષણા કરી છે. જિયોએ પ્રેસ રિલીઝમાં જણાવ્યું કે જિયોફોનના એપ સ્ટોરમાં વૉટ્સએપ 10 સપ્ટેમ્બરના રોજ લિસ્ટ કરી દેવામાં આવ્યું છે અને બધા જ જિયોફોન્સમાં 20 સપ્ટેમ્બર સુધી રોલઆઉટ કરી દેવામાં આવશે. જો તમારી પાસે જિયોફોન 2 છે તો તમે એપ સ્ટોરમાંથી ડાઉનલોડ કરી પોતાના ફોનમાં ઇન્સ્ટોલ કરી શકો છો.

KaiOS માટે વોટ્સએપે બનાવ્યું ખાસ નવું વર્ઝન

આ અંગે વૉટ્સએપના વાઇસ પ્રેસિડેન્ટ ક્રિસ ડેનિયલ્સે કહ્યું કે, ‘KaiOS માટે વૉટ્સએપની નવી એપ બનાવીને અમે લાખો જિયો ફોન યુઝર્સને એક સારો મેસેજિંગ અનુભવ આપવાનો પ્રયાસ કર્યો છે અમને આશા છે કે તેનાથી યુઝર્સને ભારતમાં અને વિશ્વમાં રહેતા પોતાના પ્રિયજનો સાથે સંપર્ક રાખવામાં સરળતા રહેશે.’ KaiOS એ ઓપરેટિંગ સિસ્ટમ છે જેના પર જિયો ફોન કામ કરે છે.

જિયો ફોનમાં ડાઉનલોડ કરવા માટે નીચેના સ્ટેપ્સ ફૉલો કરો.

– સૌથી પહેલા ફોનનો મેન્યૂ ઓપ્શન ઓપન કરો. – જે બાદ અહીં એપ સ્ટોર પર ક્લિક કરો. – એપ સ્ટોર પર ક્લિક કરો અને ત્યાં વૉટ્સએપ આઇકોન પર ક્લિક કરો. – હવે તેને ડાઉનલોડ કરીને ઇન્સ્ટોલ કરી લો. ઇન્સ્ટોલ થઈ ગયા બાદ તમે કોઈપણ વૉટ્સએપ યુઝરને મેસેજ મોકલી શકો છો.