OnePlusની ગંભીર ભૂલ, સેંકડો યૂઝર્સનો પર્સનલ ડેટા લીક કરી દીધો

નવી દિલ્હી: પ્રીમિયમ ટેક કંપની વનપ્લસ ફરી એકવાર એકવાર ચર્ચામાં આવી ગઈ છે અને આ વખતે કારણ નવા OnePlus Nordનું લૉન્ચિંગ નહીં પણ ડેટા લીક સાથે જોડાયેલું છે. એક વર્ષથી પણ ઓછા સમયમાં બીજી વખત વનપ્લસ યૂઝર્સનો ડેટા લીક થવાનો મામલો સામે આવ્યો છે. કંપનીની ભૂલને લીધે ઘણા બધા યૂઝર્સનો ડેટા પબ્લિક ડોમેઈનમાં લીક થઈ ગયો છે. આ વખતે સેંકડો વનપ્લસ યૂઝર્સના ઈ-મેઈલ એડ્રેસ સામે આવી ગયા છે.

કંપની દ્વારા એક માસ મેઈલ રિસર્ચ સ્ટડી માટે સિલેક્ટેડ યૂઝર્સને મોકલવામાં આવ્યો હતો. આવા મેઈલ મોકલવામાં કોઈ પ્રોબ્લેમ નથી અને તેની મદદથી યૂઝર્સનો ફીડબેક મળતો રહે છે પણ ભૂલ ત્યાં થઈ જ્યારે ઈ-મેઈલમાં જુદા-જુદા યૂઝર્સને BCC કરવાને બદલે બધાના ઈ-મેઈલ એડ્રેસનો To સેક્શનમાં જ એન્ટર કરીને ઈ-મેઈલ મોકલી દેવામાં આવ્યો. આનો મતલબ એ હતો કે, આ ઈ-મેઈલ રિસીવ કરનારા તમામ યૂઝર્સ અન્ય લોકોના ઈ-મેઈલ એડ્રેસ પર જોઈ શકે છે.

આ કારણે લીક થયો ડેટા

એન્ડ્રોયલ પોલીસે પોતાના રિપોર્ટમાં જણાવ્યું કે, કેટલા કસ્ટમર્સના ઈ-મેઈલ એડ્રેસ આના કારણે લીક થયા, આ અંગે ચોક્કસ જાણકારી સામે આવી નથી પણ માનવામાં આવી રહ્યું છે કે, સેંકડો યૂઝર્સના ઈ-મેઈલ ID તેમાં શામેલ હોઈ શકે છે. યૂઝર્સના ડેટા લીક અને શેર કરવા બાબતે વનપ્લસનું નામ પહેલા પણ સામે આવી ચૂક્યું છે. ગત વર્ષે નવેમ્બરમાં એક સિક્યોરિટી બ્રીચ બાદ યૂઝર્સના નામથી લઈને એડ્રેસ અને કૉન્ટેક્ટ ડિટેલ્સ પણ સામે આવી ગયા હતા.

પહેલા પણ બની હતી આવી ઘટના

જાન્યુઆરી 2018માં પણ આશરે 40 હજાર વનપ્લસ યૂઝર્સના ક્રેડિટ કાર્ડ સાથે જોડાયેલી જાણકારી લીક થઈ ગઈ હતી. સાઈટના પેમેન્ટ પેજમાં એડ કરવામાં આવેલા મેલિશિયસ કોડને કારણે એવું થયું હતું. લેટેસ્ટ ડેટા લીક અગાઉના કિસ્સાઓની સરખામણીમાં મોટો નથી અને કંપનીની એક ભૂલને કારણે સામે આવ્યો છે. જોકે, ફરીવાર એકવાર કંપનીની બેદરકારી સામે આવી છે અને વનપ્લસે આનાથી શીખવું પડશે.