ભારતમાં લોન્ચ થયું Oppo F5 Youth એડિશન, જાણો કિંમત અને ફીચર્સ

I am Gujarat

ઓપ્પોએ લોન્ચ કર્યું યુથ એડિશન

ચીની સ્માર્ટફોન મેકર Oppoએ હાલમાં જ ભારતમાં નવો સ્માર્ટફોન Oppo F5 લોન્ચ કર્યો હતો. આ લોન્ચ સમયે જ કંપનીએ તેના એક ખાસ એડિશનને લોન્ચ કરવાનો વાયદો કર્યો હતો. હવે તેનું એક નવું યુથ એડિશન લોન્ચ કર્યું છે. આ નવા વેરિયન્ટમાં 6GB રેમ સાથે 64GB ઈન્ટરનલ મેમરી આપી છે.

કેટલી હશે કિંમત?

Oppo F5 6GB રેમ વેરિયન્ટની કિંમત 24,990 રૂપિયા છે અને ઈ-કોમર્સ વેબસાઈટ ફ્લિપકાર્ટ પરથી તેને ખરીદી શકાય છે. આ ફોન બે કલર વેરિયન્ટ બ્લેક અને રેડમાં ઉપલબ્ધ થશે. તેનું બીજું વેરિયન્ટ રિટેલ સ્ટોર્સ પર મળી રહ્યું છે.

Oppo F5 Youth

રેમ અને મેમરી વેરિયન્ટ ઉપરાંત તેમાં કોઈ ખાસ ફેરફાર નહીં મળે. બીજા સ્પેસિફિકેશન્સ પણ બેસિક મોડલ જેવા છે. પ્રોસેસરમાં કોઈ ફેરફાર નથી અને ફોનની ડિઝાઈનમાં પણ ફેરફાર નથી.

ખાસ ડિસ્પલે

Oppoનો આ સ્માર્ટફોન પાછલા સ્માર્ટફોનની જેમ સેલ્ફીને ધ્યાનમાં રાખીને તૈયાર કરવામાં આવ્યો છે. તેના ફ્રંટ કેમેરામાં આર્ટિફિશિયલ ઈન્ટેલિજેન્સ બ્યૂટી ટેકનોલોજી આપેલી છે. સાથે જ નવા Oppo F5માં હાલના ટ્રેન્ડના હિસાબથી સ્લિમ ડિસ્પલે આપેલી છે.

શું હશે ફીચર્સ

આ સ્માર્ટફોનની સૌથી મોટી ખાસિયત તેનો AI બેઝ્ડ ફ્રંટ કેમેરા છે. જે યુઝર્સને સારી સેલ્ફીનો અનુભવ આપશે. તેના બ્યૂટી આઈરિશ ટૂલ દ્વારા કોઈપણ ફોટોમાં યુઝર્સની આંખોને શાઈન કરશે. તેના ફ્રંટ કેમેરા દ્વારા બોકે ઈફેક્ટવાળી ફોટોઝ પણ ક્લિક કરી શકશો. તેના ફ્રંટમાં f/2.0 અપાર્ચર સાથે 20 મેગાપિક્સલનો કેમેરા આપ્યો છે. સાથે જ તેના બેકમાં f/1.8 અપાર્ચર અને LED ફ્લેશ સાથે 16 મેગાપિક્સલનો કેમેરા છે. Oppo F5માં 1080X2160 રિજોલ્યુશનવાળો 6 ઈંચની ફુલ HD+ TFT ડિસ્પલે આપેલી છે. તેમાં ડ્યુઅલ નેનો સિમ સપોર્ટ સાથે અલગથી માઈક્રોએસડી કાર્ડ સ્લોટ આપેલું છે. આ કંપનીના ColorOS 3.1 બેઝ્ડ એન્ડ્રોઈડ 7.1 નોગટ પર ચાલે છે.