સેમસંગના 12GB રેમવાળા સ્માર્ટફોનની કિંમતમાં 35 હજારથી વધુનો તોતિંગ ઘટાડો કરાયો

સેમસંગ ગેલેક્સી S10 Plus સ્માર્ટફોન ખરીદવાની સૌથી શાનદાર તક આવી ગઈ છે. 12GB રેમ અને 1TB ઈન્ટરનલ સ્ટોરેજવાળો આ ફોન અમેઝોન ઈન્ડિયા પર 35,200 રૂપિયાના ડિસ્કાઉન્ટ સાથે ઉપલબ્ધ છે. ડિસ્કાઉન્ટ બાદ 1,29,000 રૂપિયાની કિંમતના આ ફોનની નવી કિંમત 93,800 રૂપિયા થઈ ગઈ છે. આ બમ્પર ડિસ્કાઉન્ટ ફોનના સિરામિક વ્હાઈટ કલર વેરિયન્ટમાં અપાઈ રહ્યું છે.

સેમસંગ ગેલેક્સી S10 પ્લસને એક્સચેન્જ ઓફર અંતર્ગત પણ ખરીદી શકાય છે. એક્સચેન્જ ઓફરમાં આ ફોન પર 12,050 રૂપિયા સુધીનો ફાયદો થઈ શકે છે. આ ઉપરાંત ફોનને જો તમે HSBC બેંકના કેશબેક કાર્ડથી ખરીદો છો તો તમને 5 ટકાનું ઈન્સ્ટન્ટ ડિસ્કાઉન્ટ પણ મળશે.


સેમસંગ ગેલેક્સી S10 પ્લસના સ્પેસિફિકેશન્સ
ફોનમાં 3040x1440 પિક્સલ રિઝોલ્યુશન સાથે 6.4 ઈંચની ડાયનામિક AMOLED મલ્ટી-ટચ ડિસ્પલે આપેલી છે. ડ્યુઅલ નેનો સિમ સપોર્ટ સાથે આવનારો આ ફોન એન્ડ્રોઈડ 9 પાઈ OS પર કામ કરે છે. 12 GB રેમ અને 1TB ઈન્ટરનલ સ્ટોરેજવાળા આ ફોનમાં સેમસંગનું ઓક્ટા-કોર Exynos 9820 SoC પ્રોસેસર આપેલું છે. ફોનની મેમરીને માઈક્રો એસડી કાર્ડની મદદથી 512 જીબી સુધી વધારી શકાય છે.

ફોટોગ્રાફી માટે આ ફોનમાં ટ્રિપલ રિયર કેમેરા સેટઅપ આપવામાં આવ્યું છે. જેમાં 16 મેગાપિક્સલના અલ્ટ્રા વાઈડ કેમેરા સાથે એક 12 મેગાપિક્સલનો વાઈડ અને એક 12 મેગાપિક્સલનો ટેલિફોટો લેન્સ સામેલ છે. સેલ્ફી લેવા માટે ફોનમાં 10 મેગાપિક્સલ+ 8 મેગાપિક્સલનું ડ્યુઅલ કેમેરા સેટઅપ આપવામાં આવ્યું છે. ફોનને પાવર આપવા માટે તેમાં 4100mAhની બેટરી આપેલી છે.

સેમસંગના પ્રીમિયમ ફોન્સ ફીચર્સ અને લૂક મામલે સ્માર્ટફોન યુઝર્સને ખૂબ પસંદ પડતા હોય છે. ગેલેક્સી S10 પ્લસ સ્માર્ટફોનને પાછલા વર્ષે ફેબ્રુઆરીમાં લોન્ચ કરવામાં આવ્યો હતો. કંપનીએ 12GB સાથે 8GB રેમના બે વેરિયન્ટસ્ પણ લોન્ચ કર્યા હતા. જેમાં અનુક્રમે 128GB અને 512GB સ્ટોરેજ ઓપ્શન મળે છે. ઉલ્લેખનીય છે કે સેમસંગે આ વર્ષની શરૂઆતમાં S10 સીરિઝમાં પ્રીમિયમ સેગમેન્ટમાં એન્ટ્રી લેવલના સ્માર્ટફોન્સ પણ લોન્ચ કર્યા હતા. જેમને પણ માર્કેટમાં ઘણો સારો એવો રિસ્પોન્સ મળ્યો હતો.