નવી દિલ્હીઃ દક્ષિણ કોરિયન સ્માર્ટફોન કંપની સેમસંગે ગયા મહિને ભારતમાં તેના Galaxy S8+નું 6 GB રેમ સાથેનું 128GB વેરિએન્ટ લોન્ચ કર્યું હતું. Samsung Galaxy S8+ની કિંમત 4GB રેમ/64GB જીબી સ્ટોરેજ વેરિએન્ટ કરતાં 10 હજાર રૂપિયા વધુ 74,900 રૂપિયા રાખવામાં આવી હતી. હવે સેમસંગે Galaxy S8+ના 6GB રેમ/128GB વેરિએન્ટને લોન્ચ કર્યાના એક મહિનાની અંદર જ તેની કિંમતમાં 4,000 રૂપિયાનો કાપ મૂકી દીધો છે.
ફ્લિપકાર્ટ પર મળશે આટલી કિંમતમાં
સેમસંગે તેની શોપિંગ વેબસાઇટ પર નવી કિંમત અપડેટ કરી દીધી છે. ઉલ્લેખનીય છે કે, Samsung Galaxy S8+નું 6 GB રેમ/128GB સ્ટોરેજ વેરિઅન્ટ હવે 70,900 રૂપિયામાં બ્લેક કલર વેરિએન્ટમાં ખરીદવા માટે ઉપલબ્ધ છે, પરંતુ આ સ્માર્ટફોનની ઓફિશિયલ સેલર ઈ-કોમર્સ સાઇટ ફ્લિપકાર્ટ પર નવા વેરિઅન્ટ હજી પણ રૂ. 74,900 રૂપિયામાં વેચાઈ રહ્યાં છે.
કેશબેકની ઓફર
સેમસંગની વેબસાઇટ પરથી Galaxy S8+ની ખરીદી સાથે જિયો સિમનું 309/509નું રિચાર્જ કરાવવા પર ડબલ ડેટા, ફ્રી શિપિંગ, ફ્રી વાયરલેસ ચાર્જર પણ મળશે. આ સિવાય એચડીએફસી કાર્ડથી ખરીદી કરો તો 3000 રૂપિયાનું કેશબેક પણ છે. ફોન પર નો ઈએમઆઈ ઓફર પણ આપવામાં આવી રહી છે.
એક્સીનોસ 8895 ચીપસેટ સાથે
ભારતમાં સેમસંગ Galaxy S8 અને Galaxy S8+નાં એક્સીનોસ 8895 ચીપસેટ ધરાવતા મોડલને લોન્ચ કરવામાં આવ્યાં છે. ઉલ્લેખનીય છે કે, ગ્લોબલ માર્કેટ ધરાવતા વેરિએન્ટ લેટેસ્ટ સ્નેપડ્રેગન 835 પ્રોસેસરની સાથે આવે છે. બંને સ્માર્ટફોન 4GB રેમ/64 GB સ્ટોરેજ છે. હાઈબ્રિડ ડ્યુઅલ સિમ સ્લોટની સાથે આવતા આ બંને હેન્ડસેટમાં તમે 256 જીબી સુધીના માઇક્રોએસડી કાર્ડનો ઉપયોગ કરી શકશો. સેમસંગ Galaxy S8 અને Galaxy S8+ વાયરલેસ ચાર્જિંગને સપોર્ટ કરશે.
બેટરી અને ડાયમેન્સ
Galaxy S8 અને Galaxy S8+માં અનુક્રમે 3000 mAh અને 3500 mAhની બેટરી છે. આ ફોન નવા ગિયર 360ની સાથે ચાલશે, જેને આ ઇવેન્ટમાં રજૂ કરવામાં આવ્યા છે. Galaxy S8નું ડાયમેન્શન 148.9×68.1×8 મિલિમીટર અને વજન 155 ગ્રામ છે. Galaxy S8+નું ડાયમેન્શન 159.5×73.4×8.1 મિલીમીટર અને વજન 173 ગ્રામ છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.