આ કૂતરાને ગિફ્ટમાં મળ્યા 8 iPhone 7!

પેઈચિંગ: તમે એપલના આઈફોન પાછળ ગાંડા થતા લોકો વિશે સાંભળ્યુ જ હશે, પણ આ વખતે તો હદ પાર થઈ ગઈ. આઈફોન ખરીદવા માટે પહેલાથી ઓર્ડર કરવો પડે છે અથવા તો કલાકો સુધી લાઈનમાં ઉભા રહેવું પડે છે ત્યારે જઈને આઈફોન હાથમાં આવે છે. પણ ચીનમાં આ પાલતુ કૂતરાને 8 આઈફોન ગિફ્ટમાં મળ્યા છે.

જાણવા મળ્યું છે કે ચીનના અબજપતિ વાંગ જિયાલિનના દીકરા વાંગ સિકૉન્ગે પોતાના કૂતરા માટે 8 iPhone 7 ખરીદ્યા છે. આ ફોન્સની કિંમત લગભગ 9584 ડૉલર એટલે કે લગભગ 6.50 લાખ રુપિયા છે. વાંગ જિયાલિન ચીનમાં ડલિયન વાંડા ગ્રુપના ચેરમેન છે.

તેમના દીકરાએ પોતાના કૂતરા કોકો માટે લૉન્ચિંગના દિવસે જ 8 આઈફોન 7 ખરીદી લીધા હતા. ત્યારબાદ કોકો અને આઈફોનનો ફોટો સોશિયલ મીડિયા પર પોસ્ટ કર્યો હતો. તમને જણાવી દઈએ કે ચીનમાં એક આઈફોન 7ની કિંમત 1197 ડૉલર એટલે કે 80 હજાર રુપિયા છે.