જ્યારે પણ સ્ટોરેજ ફુલ થઈ જાય ત્યારે iPhone યૂઝર્સ વીડિયો અને ફોટો ડિલિટ કરવા માંડે છે. જેથી મેમરી ખાલી થાય. ઘણી વખત જગ્યા ફ્રી કરવા માટે મનગમતાં ફોટો પણ ડિલિટ કરવા પડે છે. જો કે, દરેક વખતે સ્ટોરેજ ફ્રી કરવા ફોટોઝ કે વીડિયો ડિલિટ કરવાની જરૂર નથી. અહીં કેટલીક ટ્રિક્સ છે જેની મદદથી ફોટોઝ કે એપ્સ ડિલિટ કર્યા વિના સ્ટોરેજ ફ્રી કરી શકાય છે.
ટેક્સ્ટ મેસેજને હંમેશા માટે સાચવી ન રાખો
તમે જે મેસેજ મોકલો અને રિસીવ કરો છો તે બધાં જ બાય ડિફોલ્ટ આઈફોનમાં કાયમ માટે સ્ટોર થાય છે. આમ જોવા જઈએ તો વર્ષો જૂના મેસેજ કાયમ માટે સાચવી રાખવાનો કોઈ મતલબ નથી. એટલે તેમ સેટિંગમાં જઈને આ બદલી શકો છો. Settingsમાં જઈ Messages પર ક્લિક કરો. Message History આવે ત્યાં સુધી નીચે સ્ક્રોલ કરો. તેમાં Keep Messagesમાં જાઓ. તેમાં બાય ડિફોલ્ટ Forever ટીક થયેલું હશે તેને તમે 30 દિવસ કે 1 વર્ષમાં ફેરવી શકો છો. ત્યાર બાદ એક પોપ-અપ ખુલશે જે જૂના મેસેજ ડિલિટ કરવા માટે પૂછશે ત્યારે ડિલિટ પર ક્લિક કરો.
વ્હોટ્સએપ મેેસેજ ડિલિટ કરો
વ્હોટ્સએપમાં આવતા મેસેજ પણ તમારા ફોન સ્ટોરેજમાં જગ્યા રોકે છે. એટલે વ્હોટ્સએપની ચેટ્સ ડિલિટ કરી દેશો તો પણ સ્ટોરેજની સમસ્યા થોડી ઓછી જશે.
બે-બે વાર તસવીરો સેવ ન કરો
જો તમે આઈફોનમાં HDR મોડ કે ઈન્સ્ટાગ્રામનો ઉપયોગ કરતાં હશો તો તમારે ધ્યાને આવ્યું હશે કે તમારો ફોન આપોઆપ જ બે તસવીર સેવ કરે છે. એક HDR વર્ઝન અને બીજું તસવીરનું સામાન્ય વર્ઝન. HDR તસવીરોને બે વખત સેવ ન કરવી હોય તો સેટિંગ્સમાં Cameraમાં જાઓ. તેમાં છેક નીચે Keep Normal Photoનો ઓપ્શન દેખાશે તેને બંધ કરી દો. જો તમારી પાસે આઈફોન 7 હોય તો આ જ પ્રકારે Portrait મોડ માટે પણ કરી શકો છો.
ઈન્સ્ટાગ્રામની તસવીરો
જો ઈન્સ્ટાગ્રામ પર તસવીરો પોસ્ટ કરતાં હશો તો તમે એડિટ કરીને જે ફાઈનલ તસવીર પોસ્ટ કરશો તે પણ તમારી ગેલેરીમાં સ્ટોર થશે. ઈન્સ્ટાગ્રામના ફોટોઝ ગેલેરીમાં ન જોઈતા હોય તો, ઈન્સ્ટાગ્રામ એપ ખોલો. તેમાં સેટિંગ્સમાં Accountમાં જાઓ તેમાં ઓરિજિનલ ફોટો દેખાશે તેના પર ક્લિક કરી Save Original Photos ઓપ્શન ઓન દેખાશે તેને બંધ કરી દો.
ફોટો સ્ટ્રીમ બંધ કરો
ફોટો સ્ટ્રીમમાં રહેલા ફોટોઝ પણ ફોનની મેમરી વાપરે છે. જો કે ઓરિજનલ તસવીરો જેટલી મેમરી નથી વાપરતાં તેમ છતાં તમારે આ તસવીરોની જરૂર નથી કારણકે આ ફોટોઝ તમારા ફોનમાં રહેલા ઓરિજિનલ ફોટોઝની કોપી છે. ફોટો સ્ટ્રીમ ઓફ કરવા માટે સેટિંગ્સમાં Photosમાં જઈને My Photo Stream બંધ કરી દો. તમારા ફોનમાં ફોટો સ્ટ્રીમમાં રહેલા ફોટોઝ ડિલિટ થઈ જશે.
બ્રાઉઝર કૅશ ક્લિયર કરો
જો તમે સફારીનો ઉપયોગ કરતાં હશો તો iPhone વેબ હિસ્ટ્રી અને ડેટાનો સંગ્રહ કરશે, જેની તમારે બિલકુલ જરૂર નથી. Safariનું બ્રાઉઝર કૅશ ક્લિયર કરવા માટે સેટિંગ્સમાં જઈ Safari ઓપન કરો. તેમાં Clear History and Website Data પર ક્લિક કરો.
એપ અનઈન્સ્ટોલ કરી ઈન્સ્ટોલ કરો
ઈન્સ્ટોલ કર્યાના થોડા સમયમાં જ એપ સંગ્રહખોરી કરવા લાગે છે. એપ ઝડપી પર્ફોર્મંસ માટે કૅશ અને ડેટા સેવ કરવા માંડે છે. આનું સૌથી મોટું ઉદાહરણ ફેસબુક છે. આ એપ કોઈના પણ આઈફોન કે આઈપેડ પર સૌથી વધારે જગ્યા રોકે છે. તમારા ફોનનું સ્ટોરેજ દરરોજ ચેક કરો અને વધુ સ્પેસ રોકતી એપ પર નજર રાખો. આવી એપ્સને અનઈન્સ્ટોલ કરીને ફરીથી ઈન્સ્ટોલ કરો જેથી તમામ કૅશ ડેટા જતો રહેશે અને જગ્યા થશે.
iTunes મ્યૂઝિક અને વીડિયો
મ્યૂઝિક અને વીડિયો ફોનમાં ઘણી જ જગ્યા રોકે છે. જો તમારે મેમરી ફ્રી કરવી હોય તો તમે આઈટ્યૂન્સ પરથી ખરીદેલું મ્યૂઝિક ડિલિટ કરી શકો છો. ચિંતા ન કરો ક્લાઉડમાં આ મ્યૂઝિક સ્ટોર થયેલું હશે એટલે જ્યારે મન થાય ત્યારે ફરી ડાઉનલોડ કરી શકો છો. આ જ રીતે મૂવી સાથે પણ કરી શકો છો.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.