આજે જ ટ્રાય કરો આ ટિપ્સ, વધી જશે સ્માર્ટફોનનો બેટરી બેકઅપ

I am Gujarat

સ્માર્ટફોનની બેટરી વધારો

સ્માર્ટફોનના ઓછી બેટરી બેકઅપથી પરેશાન છો તો તેને વધારવાની એક ટ્રીક અમે તમને જણાવીશું. ચિંતા ના કરશો તેના માટે તમારે અન્ય કોઈ ખર્ચો કરવાની જરૂર નથી. બસ તમારા સ્માર્ટફોનમાં કેટલાક સેટિંગમાં ફેરફાર કરીને તમે ઘરે બેઠાં સ્માર્ટફોનનો બેટરી બેકઅપ વધારી શકો છો.

નોટિફિકેશન બંધ રાખો

તમે સ્માર્ટફોનમાં એપ્લિકેશનનો ઉપયોગ તો કરતા જ હશો અને તમને ફોનમાં નોટિફિકેશન પણ આવતા હશે. જો તમારે નોટિફિકેશનની જરૂર નથી તો તેને ઓફ કરી દો. તેનાથી સૌથી વધારે ફાયદો તમારા સ્માર્ટફોનની બેટરીને થશે. કારણ કે વારંવાર નોટિફિકેશન આવવાના કારણે બેટરી વધારે ખર્ચ થાય છે.

ઓટો બ્રાઈટનેસ બંધ રાખો

ઓટો બ્રાઈટનેસ બંધ કરવાથી ફોનની સ્ક્રીનની લાઈટ વારંવાર ધીમી કે વધારે નહીં થાય. જ્યારે ઓટો બ્રાઈટનેસ ઓન હશે તો ફોનની ડિસ્પલેની લાઈટ બહારની લાઈટના હિસાબે ઓછી વધારે થાય છે. જેના કારણે બેટરી વધારે ખર્ચ થાય છે.

એક્ટિવેટ ગ્રે સ્કેલ

આ મોડને એક્ટિવેટ કર્યા બાદ ફોનની ડિસ્પલે બ્લેક એન્ડ વ્હાઈટ થઈ જાય છે. જોકે આ મોડ દરેક સ્માર્ટફોનમાં નથી હોતો. જો તમારા ફોનમાં આ મોડ છે તો તેને એક્ટિવેટ કરીને તમે બેટરી બેકઅપ વધારી શકો છો.

બ્રાઈટનેસ 10%- 25%

જો તમે એવી કોઈ જગ્યા પર છો જ્યાં ડિસ્પલેની બ્રાઈટનેસ ઓછી કરીને પણ ફોનનો ઉપયોગ સરળતાથી કરી શકાય છે કો ફોનની બ્રાઈટનેસને 10-25 ટકાની વચ્ચે રાખો. તેનાથી ફોનની બેટરી વધારે ખર્ચ નહીં થાય.

વાઈબ્રેટ એન્ડ રિંગટોન

તમારા ફોનની કોઈ પણ નોટિફિકેશન, એલર્ટ અને કોલિંગ પર લાગેલા વાઈબ્રેશનને ઓફ કરી દો. જો રિંગટોનનો ઉપયોગ કરી રહ્યા હોય ત્યારે. જ્યારે રિંગટોનનો ઉપયોગ નથી કરી રહ્યા ત્યારે વાઈબ્રેશન ઓન કરી લો. મતલબ એકવારમાં રિંગટોન અથવા વાઈબ્રેશનમાંથી કોઈ એક જ ઓન રાખશો તો ફોનની બેટરી બચાવવામાં મદદ મળશે.

બેકગ્રાઉન્ડ એપ

બેકગ્રાઉન્ડમાં ચાલી રહેલા એપ્સને ઓફ કરી દો. જે એપ્સનો ઉપયોગ નથી કરી રહ્યા તેને બંધ કરી દો, બેક ગ્રાઉન્ડથી હટાવી લો. બેકગ્રાઉન્ડમાં એક્સ્ટ્રા એપ ચાલવાથી બેટરી બેકઅપ ઓછો થઈ જાય છે.

લોકેશન

જો લોકોશન સર્વિસ જરૂરી નથી તો જીપીએસને બંધ કરી દો. જીપીએસને એટલા સમય માટે જ ચાલુ રાખો જ્યાં સુધી તેની જરૂર હોય. તેનાથી સ્માર્ટફોનનો બેટરી બેકઅપ વધી જશે.