જેને કાયમ પોતાનો ફોન સાથે રાખવાની આદત હોય તેમના માટે ફોન ચાર્જિંગમાં મુક્યો હોય તે સમય કાઢવો મુશ્કેલ બની જાય છે. અને ઘણાં લોકો ફોન ચાર્જિંગમાં હોય ત્યારે પણ વાપરતા હોય છે, જો કે અવારનવાર સલાહ આપવામાં આવે છે કે ફોન ચાર્જ થતો હોય ત્યારે તેનો ઉપયોગ ટાળવો જોઈએ. હવે અહીં તમને અમુક ટિપ્સ આપવામાં આવે છે જેનાથી તમે ચાર્જિંગનો સમય ઓછો કરી શકો છો.
ફ્લાઈટ મોડમાં ચાર્જ કરો
તમે જાણતા હશો કે તમે ફોનને ફ્લાઈટ મોડ પર રાખશો તો તેના કૉલિંગ, ઈન્ટરનેટ, જીપીએસ જેવા ફીચર કામ કરતા બંધ થઈ જશે. જો તમે રાતે ફોન ચાર્જ કરો છો તો ચિંતા કરવાની જરુર નથી, અલાર્મ ચાલુ રહેશે. માટે ફોન ફ્લાઈટ મોડ પર કરીને ચાર્જ કરવાથી સામાન્ય કરતાં ઓછા સમયમાં ચાર્જ થઈ જશે.
મોબોઈલ બંધ કરી દો
મોબાઈલ વિષે એક ખોટી માન્યતા એ પણ છે કે જો ચાલુ મોબાઈલમાં ચાર્જ કરશો તો મોબાઈલને નુકસાન પહોંચી શકે છે. પરંતુ આ વાત ખોટી છે. જો કે તમે બંધ મોબાઈલમાં ચાર્જ કરશો તો ચાર્જિંગ ઝડપથી થઈ જશે.
USB પોર્ટથી ચાર્જ ન કરો
તમે તમારા લેપટોપ કે કમ્પ્યુટર સાથે USB પોર્ટ કનેક્ટ કરીને ફોન ચાર્જ કરશો તો તે પ્રમાણમાં ધીમે ચાર્જ થશે. ઈલેક્ટ્રિક પોઈન્ટમાં ચાર્જર લગાવીને ચાર્જ કરશો તો ઝડપથી ચાર્જ થશે.
યોગ્ય તાપમાન
વધારે તાપમાન બેટરીને ચાર્જ રાખવાની ક્ષમતામાં ઘટાડો કરી શકે છે. ઉદાહરણ તરીકે, એપલ કંપની સલાહ આપે છે કે ફોનને સૂર્યપ્રકાશથી દૂર રાખો. ગરમીને કારણે બેટરીના પર્ફોમન્સમાં ઘટાડો જોવા મળે છે. માટે ધ્યાન રાખો કે તમારું ફોન કવર એ પ્રકારનું ન હોય જે જલ્દી ગરમ થઈ જતું હોય.
ડુપ્લિકેટ ચાર્જરથી બચો
બની શકે ત્યાં સુધી ફોનને ઓરિજિનલ ચાર્જરથી જ ચાર્જ કરો. જો તમે ડુપ્લિકેટ ચાર્જર વાપરો છો તો ચાર્જિંગની સ્પીડ પણ ઘટી શકે છે. જો કંપનીનું ચાર્જર ન વાપરો તો સારી ક્વૉલિટીનું વાપરવાની સલાહ આપવામાં આવે છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.