સમગ્ર વિશ્વમાં ટ્વીટર સર્વર ડાઉન, યૂઝર્સને પડી રહી છે મુશ્કેલી

ભારતમાં બુધવારે રાતે ટ્વિટર ડાઉન (Twitter server down) થઈ ગયું હતું. જેના કારણે યૂઝર્સ વચ્ચે કોહરામ મચી ગયો હતો. એક કલાકથી વધારે સમય સુધી ટ્વીટર ડાઉન રહેવાના કારણે યૂઝર્સને પેજ રિફ્રેશ કરવા અથવા તો પેજ ખોલવામાં ખૂબ જ સમસ્યા નડી હતી. લોકો ફેસબુક અને ઈન્સ્ટાગ્રામ સહિત અન્ય સોશિયલ મીડિયાના માધ્યમથી પોતાનું દુઃખ વ્યક્ત કરી રહ્યાં છે. એકવાર રિફ્રેશ કર્યા પછી પણ ટ્વીટર ખૂલી નથી રહ્યું.

યૂઝર્સને પડી તકલીફ
લોકોને ફોન, કોમ્પ્યુટર અને લેપટોપ સહિત અન્ય ઈલેક્ટ્રોનિક માધ્યમો પર ટ્વિટરને રિફ્રેશ કરવા, નવું પેજ ખોલવાની સાથે જ ટ્વીટર અને તેમના ટ્વિટડેક લોગઈનમાં ખૂબ જ મુશ્કેલીઓ આવી રહી છે અને વારંવાર રિફ્રેશ કર્યા પછી પણ ટ્વીટર નહોતું ખૂલ્યું.

ક્યારે થશે આ સમસ્યાનું સમાધાન?
એવા રિપોર્ટ પણ આવી રહ્યા છે કે ટ્વિટર યૂઝર્સને ભારતમાં તેમજ મલેશિયા અને ઇન્ડોનેશિયા સહિત એશિયાના અન્ય દેશોમાં સમસ્યાઓનો સામનો કરવો પડી રહ્યો છે અને તેઓ DownDetector નામની વેબસાઇટ પર જઈને આ મુશ્કેલી સંબંધિત રિપોર્ટ દાખલ કરી રહ્યા છે. ટ્વિટર દ્વારા હજી સુધી કોઈ નિવેદન જાહેર કરવામાં આવ્યું નથી, એવું માનવામાં આવે છે કે ટ્વિટર આ સમસ્યાનું સમાધાન લાવવાનો પ્રયાસ કરી રહ્યું છે અને આ સમસ્યાનું વહેલી તકે નિરાકરણ લાવવામાં આવશે.

ટ્વીટરની આ મુશ્કેલી પર બન્યા જોક્સ
પહેલા પણ સમયાંતરે ટ્વીટરનું સર્વર ડાઉન થતું રહ્યું છે અને થોડા સમય પછી બધું જ સામાન્ય થઈ જાય છે. હવે જે લોકો ફેસબુક, ઈન્સ્ટાગ્રામ અને વોટ્સએપનું સર્વર ડાઉન થયા પછી ટ્વિટર પર પોતાનો ગુસ્સો દર્શાવી રહ્યાં હતાં. તેમને એ સમજમાં નથી આવતું કે હવે ટ્વિટર સર્વર ડાઉન થવાથી તેમનું દુઃખ કોને દર્શાવવું. આથી હવે ફેસબુક અને ઈન્સ્ટાગ્રામ પર ટ્વિટર સર્વર ડાઉન થવાના કારણે જોક્સ વાઈરલ થઈ રહ્યાં છે.