શાઓમીના બજેટ સ્માર્ટફોન Redmi 9 Powerની ભારતમાં એન્ટ્રી, શું છે તેની ખાસિયતો?

શાઓમીના બજેટ સ્માર્ટફોન Redmi 9 Powerએ ભારતમાં એન્ટ્રી કરી લીધી છે. નવા રેડમી 9 પાવરમાં ક્વોડ રિયર કેમેરા અને વોટરડ્રોપ-સ્ટાઈલ નૉચ આપલી છે. રેડમીનો આ લેટેસ્ટ ફોન MIUI 12 સાથે આવે છે. અહીં ખાસ વાત એ છે કે રેડમી 9 પાવર પાછલા મહિને ચીનમાં લોન્ચ થયેલા Redmi Note 4Gનું જ રીબ્રાન્ડેડ વર્ઝન છે. પરંતુ કેમેરા, રેમ અને સ્ટોરેજમાં તફાવત છે. રેડમીનો આ ફોન સેમસંગ ગેલેક્સી M11, Vivo Y20 અને Oppo A53ને ટક્કર આપશે.

Redmi 9 Powerની કિંમત
રેડમી 9 પાવરના 4જીબી રેમ અને 64જીબી ઈનબિલ્ટ સ્ટોરેજ વેરિયન્ટની કિંમત ભારતમાં 10,999 રૂપિયા છે. જ્યારે 4જીબી રેમ અને 128જીબી સ્ટોરેજ વેરિયન્ટની કિંમત 11,999 રૂપિયા છે. સ્માર્ટફોન બ્લેઝિંગ બ્લૂ, ઈલેક્ટ્રિ ગ્રીન, ફેયરી રેડ અને માઈટી બ્લેક કલરમાં મળશે. આ ફોન અમેઝોન તથા Mi.com પરથી ઓનલાઈન ખરીદી શકો છો. આ ઉપરાંત Mi Homes, Mi Studios અને Mi Stores પર ઓફલાઈન પણ ઉપલબ્ધ રહેશે. હેંડસેટની પહેલી સેટ 22 ડિસેમ્બરે બપોરે 12 વાગ્યે થશે.

Redmi 9 Powerના સ્પેસિફિકેશન્સ
ડ્યુઅલ-સિમવાળા રેડમી 9 પાવર એન્ડ્રોઈડ 10 બેઝ્ડ MIUI 12 પર ચાલે છે. ફોનમાં 6.53 ઈંચની ફુલ એચડી+ડોટ ડ્રોપ સ્ક્રીન છે. સ્ક્રીનનો આસ્પેક્ટ રેશિયો 19:5:9નો છે. પ્રોટેક્શન માટે કોર્નિંગ ગોરિલ્લા ગ્લાસ 3 આપેલો છે. ફોનમાં ઓક્ટા-કોર ક્વોલકોમ સ્નેપડ્રેગન 662 પ્રોસેસર, એડ્રેનો 610 જીપીયુ આપેલું છે. ફોનના સ્ટોરેજને પણ માઈક્રોએસડી કાર્ડની મદદથી 512 જીબી સુધી વધારી શકાય છે.

રેડમી 9 પાવરમાં 48 મેગાપિક્સલનો પ્રાઈમરી, 8 મેગાપિક્સલનો અલ્ટ્રા-વાઈડ-એન્ગલ, 2 મેગાપિક્સલનો મેક્રો અને 2 મેગાપિક્સલનો ડેપ્શ સેન્સર કેમેરા છે. સાથે જ ફોનના ફ્રન્ટમાં 8 મેગાપિક્સલનો કેમેરા છે જે આર્ટિફિશિયલ ઈન્ટેલિજન્સ (AI) ફેસ અનલોક સપોર્ટ કરે છે.

કનેક્ટિવિટી માટે રેડમી 9 પાવરમાં 4જી VoLTE, ડ્યુઅલ-બેન્ડ Wi-Fi, બ્લૂટૂથ 5.0, જીપીએસ/એ-જીપીએસ, ઈન્ફ્રારેડ બ્લાસ્ટર, યુએસબી ટાઈપ-સી અને 3.5 એમએમ હેડફોન જેક આપેલો છે. ફોન સ્ટીરિયો સ્પીકર્સ સાથે આવે છે જ હાઈ-રિઝોલ્યુશન ઓડિયો સર્ટિફાઈડ છે. શાઓમીએ રેડમી 9 પાવરમાં સાઈડમાં ફિંગરપ્રિન્ટ સેન્સર આપેલું છે. ફોનમાં એક્સીલેરોમીટર, એમ્બિયન્ટ લાઈટ, મેગ્નેટોમીટર અને પ્રોક્સીમીટર સેન્સર આપેલા છે. સાથે જ તેમાં 6000mAhની બેટરી આપેલી છે, જે 18 વોટ ફાસ્ટ ચાર્જિંગ સપોર્ટ કરે છે. ફોનમાં રિવર્સ વાયર્ડ ચાર્જિંગ સપોર્ટ કરે છે, જ્યારે તેનું વજન 198 ગ્રામ છે.