બાપ રે! બટાકાના વેપારીએ 2.4 લાખમાં ખરીદ્યો BSNLનો VIP નંબર, એવુ તો શું ખાસ હતુ?

નવી દિલ્હી- ભારત સંચાર નિગમ લિમિટેડ (બીએસએનએલ)ની ગણતરી દેશના સૌથી આકર્ષક ટેલિકોમ ઓપરેટર તરીકે નથી થતી, પરંતુ તેના બીએસએનએલ વીઆઈપી અથવા તો ફેન્સી નંબરની ભારતના લોકોમાં ઘણી લોકપ્રિયતા હતી. ઘણાં લોકો આ ફેન્સી અથવા વીઆઈપી નંબર લેવામાં રસ ધરાવતા હોય છે. વાસ્તવમાં વીઆઈપી અથવા ફેન્સી નંબર સાથે કોઈ વધારાનો લાભ નથી મળતો. પરંતુ આ નંબર યાદ રાખવા સરળ હોય છે.

તાજેતરમાં જ રાજસ્થાનના કોટાના એક બટાકાના વેપારીએ એક ફેન્સી બીએસએનએલ વીઆઈપી નંબર ખરીદ્યો છે, આ ફેન્સી નંબર માટે બોલી લગાવવામાં આવી હતી અને આખરે 2.4 લાખ રુપિયામાં નંબર વેચાયો હતો. આ ઘણી ચોંકાવનારી બાબત છે, કારણકે માત્ર કોઈ ફોન નંબર માટે આટલી મોટી રકમ ખર્ચે તે વિચારવાલાયક બાબત છે. એક રિપોર્ટ અનુસાર, જે વીઆઈપી નંબર માટે વ્યક્તિએ બોલી લગાવી હતી તે નંબર છે- XXX7000000.

ઉલ્લેખનીય છે કે બીએસએનએલનો વીઆઈપી નંબર ‘ફેન્સી નંબર’ કેટેગરી અંતર્ગત વેબસાઈટ પર ઉપલબ્ધ હોય છે. ઉલ્લેખનીય છે કે બીએસએનએલના XXX7000000 નંબર માટે બોલી 20,000 રુપિયાથી શરુ થઈ હતી. એક પોઈન્ટ પર આ બોલીની કિંમત 2 લાખથી વધારે પહોંચી ગઈ હતી. આ હરાજી દરમિયાન સૌથી ઉપર કોટાનો વેપારી હતો, જેમણે નંબર ખરીદવા માટે સૌથી ઊંચી બોલી લગાવી હતી.

રિપોર્ટ અનુસાર, વિજેતાએ ફર્રુખાબાદમાં બીએસએનએલ ઓફિસથી વીઆઈપી નંબર કલેક્ટ કર્યો હતો. વેપારીએ આ પહેલીવાર વીઆઈપી નંબર નથી ખરીદ્યો. આ પહેલા પણ એક ફેન્સી નંબર ખરીદવા માટે એક લાખ રુપિયા ખર્ચ્યા હતા. માત્ર એક ફોન નંબર માટે લાખો રુપિયા ખર્ચવા એ રસપ્રદ બાબત છે. અને તે નંબર માટે જે સરકારી ટેલિકોમ કંપનીનો હોય. ઉલ્લેખનીય છે કે ભારતમાં બીએસએનએલ 4જી પણ ઉપલબ્ધ નથી.

ઉલ્લેખનીય છે કે બીએસએનએલની વેબસાઈટ પર આ પ્રકારના ઘણાં વીઆઈપી નંબર્સ ઉપલબ્ધ હોયય છે. જો તમે પણ આ પ્રકારે ફેન્સી નંબર ખરીદવા માંગતા હોવ તો બીએસએનએલની વેબસાઈટ પર માહિતી મેળવી શકો છો.