મુંબઈની નજીક છે આ હિલ સ્ટેશન, ચોમાસામાં જવાની મજા અલગ જ છે

‘યે ક્યા બોલતી તૂં, એ ક્યા મૈં બોલું? સુન, સુના… આતી ક્યા ખંડાલા?’ તમે ‘ગુલામ’ ફિલ્મનું આ જાણીતું ગીત તો જરૂર સાંભળ્યું હશે. એક સમયે આ ગીત દરેકના મોંએ ચઢી ગયું હતું. આ ગીતથી આગળ શું તમે ક્યારેય ખંડાલા ટ્રિપ પ્લાન કરવા વિશે વિચાર્યું છે? જો ના, તો અમે તમને જણાવીશું ખંડાલાની કેટલીક ખાસ વાતો.

‘યે ક્યા બોલતી તૂં, એ ક્યા મૈં બોલું? સુન, સુના… આતી ક્યા ખંડાલા?’ તમે ‘ગુલામ’ ફિલ્મનું આ જાણીતું ગીત તો જરૂર સાંભળ્યું હશે. એક સમયે આ ગીત દરેકના મોંએ ચઢી ગયું હતું. આ ગીતથી આગળ શું તમે ક્યારેય ખંડાલા ટ્રિપ પ્લાન કરવા વિશે વિચાર્યું છે? જો ના, તો અમે તમને જણાવીશું ખંડાલાની કેટલીક ખાસ વાતો.

I am Gujarat

બોલિવૂડ સ્ટાર્સ વીકેન્ડમાં અહીં આવે છે

મુંબઈની નજીક ખંડાલા ફેવરિટ વીકેન્ડ પ્લેસ તરીકે સ્થાપિત થઈ ચૂક્યું છે. અહીં સામાન્ય લોકો સિવાય બોલિવૂડ ફિલ્મોના કલાકારો પણ વીકેન્ડ એન્જોય કરવા આવે છે. એટલું જ નહિ, ઘણા ફિલ્મ કલાકાર અહીં આસપાસ જ પોતાનું વીકેન્ડ હોમ પણ બનાવી ચૂક્યા છે.

કેવી રીતે જઈ શકાય ખંડાલા?

ખંડાલા ખૂબ જ નાનકડું હિલ સ્ટેશન છે. આ સ્થળ મુંબઈની ભીડભાડથી લગભગ 101 કિલોમીટર દૂર છે. જો તમે દરરોજના કામથી કંટાળી ગયા હોવ તો ખંડાલા તમારા માટે ખૂબ જ સારી જગ્યા છે. અહીંના સુંદર પહાડો તમારો થાક પળભરમાં ગાયબ કરી દેશે અને થોડી જ ક્ષણોમાં તમારા મનને શાંતિ મળવા લાગશે. મુંબઈથી બાય રોડ ખંડાલા 99 કિલોમીટર છે, જ્યારે ટ્રેનથી તેનું અંતર 123 કિલોમીટર છે.

રૉક ક્લાઇમ્બિંગ સ્પોટ

ડ્યૂક નોઝ એક સીધો ઊભેલો પહાડ છે. તેનું નામ ડ્યુક વેલિંગ્ટન પરથી રાખવામાં આવ્યું છે, કારણ કે તેનું નાક પણ આ પહાડની જેમ ઊભું હતું. તેને નાગફણી નામથી પણ ઓળખવામાં આવે છે. ડ્યુક નોઝ આઈએનએસ શિવાજી અને કુરવાંડે ગાંવથી પહોંચી શકાય છે. આ એક લોકપ્રિય રૉક ક્લાઇમ્બિંગ સ્પોટ પણ છે.

રિવર્સિંગ સ્ટેશન

તે એક સમયે રેલવેની પોપર્ટી મનાતી હતી, પરંતુ હવે તે વેરાન અને ઉજ્જડ જગ્યા છે. તે રેલવે માર્ગ પર 26 નંબર સુરંગ પાસે છે. અહીંથી તમે ખોપોલીનો નજારો પણ જોઈ શકો છો. અહીં રાતના સમયે જવાનું હોય છે. આ સમયે ચારે બાજુ દુધિયા રંગની રોશની ફેલાય છે, જે જોવાલાયક હોય છે.

ભુશી ઝીલ

જો તમે પ્રકૃતિના સાંનિધ્યમાં શાંતિની કેટલીક પળો વિતાવવા માગતા હોવ તો ભુશી ઝીલ (તળાવ) જરૂર જાવ. અહીંનું શાંત અને સ્વસ્થ વાતાવરણ તમને ભરપૂર શાંતિ આપશે.

લોનાવાલા

ખંડાલાથી લગભગ ચાર કિલોમીટર દૂર આ સુંદર હિલ સ્ટેશન લોનાવાલા આવેલું છે. જો ખંડાલા જઈ રહ્યા હોવ તો તે જોવાનું ન ભૂલશો. ખંડાલામાં ઘણાં તળાવો છે, જેને લીધે તેની સુંદરતા વધી જાય છે.

કારલા અને વેજ ગુફા

ખંડાલાથી 16 કિલોમીટર દૂર છે કારલા અને વેજ ગુફા. અહીં પથ્થરોને તોડીને ગુફા બનાવાઈ છે, જેમાં બીજી શતાબ્દીનાં સુંદર મંદિરો જોવા મળે છે. સમગ્ર ભારતનું સૌથી સુંદર બુદ્ધનું મંદિર પણ તમે અહીં જોઈ શકો છો.

ફરવા માટેનો બેસ્ટ ટાઇમ

વરસાદના દિવસોને બાદ કરતાં તમે અહીં કોઈ પણ સમયે આવી શકો છો.