ઉનાળું વેકેશન જેવું પૂરું થાય છે તેવું જ બાળકોને સ્કૂલે જવાનો સમય ચાલુ થઈ જાય છે. જોકે, જેવો જુલાઈનો સમય નજીક આવે છે કે બેગ પેકર્સ પોતાની બેગ પેક કરીને તૈયાર થઈ જાય છે. આ જ સમય હોય છે તેમના રોમાંચ અને એડવેન્ચરને સારી રીતે એક્સપ્લોર કરવાનો.જોકે, માત્ર બેગપેકર્સ માટે જ નહિં જો ફેમિલી ટૂરિંગ માટે પણ જવું હોય તો અમે તમારા માટે લઈને આવ્યાં છીએ જુલાઈમાં ભારતમાં ફરવાલાયક સ્થળો. આ સ્થળોએ ધોધ, કુદરતી સૌંદર્ય તેમજ પહાડીઓ તમારુ મન મોહી લેશે.
લડાખ
લડાખ એવી જગ્યા છે. જ્યાં જવાનું દરેક ટ્રાવેલર્સનું સપનું હોય છે. પહાડોની ખૂબસુરતી, નયનરમ્ય સુંદરતા અને કુદરતી સૌંદર્યનો નજારો દરેકનું મનમોહી લે તેવો હોય છે. બાઈક ટૂરિંગ લવર્સ માટે લડાખ એ મનગમતું સ્થળ છે.
લાહૌલ એન્ડ સ્પિટી
હિમાચલ પ્રદેશમાં આવેલું લાહૌલ એન્ડ સ્પિટી ડિસ્ટ્રિક્ટ બેગપેકર્સ માટેનું ઓલ ટાઈમ ફેવરિટ ડેસ્ટિનેશન છે. હિમાલયન વેલીની સુંદરતાની મજા લેવા માટે આ સ્થળે તો ચોક્કસ જવું જ જોઈએ. અહિ તમને ગ્લેશિઅરથી ઢંકાયેલા પહાડો તેમજ હરીયાળી ઓઢેલા વૃક્ષો જોવા મળશે.
સાઉથ ગોવા
નારીયેળીના ગુચ્છેદાર વૃક્ષોથી ઢંકાયેલું અને કોલવા, એગોન્ડા અને પાલોલેમ બીચ મોન્સૂન ટ્રાવેલર્સ માટે પર્ફેક્ટ પ્લેસ છે. અહિની કલ્ચરલ એક્ટિવિટીઝ અને ઐતિહાસિક વારસો પણ જોવાલાયક છે. આ ઉપરાંત એડવેન્ચર શોખીનો માટે પણ અહિ અનેક ઓપ્શન્સ સરળતાથી મળી રહે છે. અહિ તમને તમારા મનગમતા બજેટમાં રહેવાની પણ સુવિધા મળી રહે છે.
મુન્નાર
ફરવા માટે કેરાલાના પશ્ચિમ ઘાટમાં આવેલું મુન્નાર પણ સૌથી ઉત્તમ હિલ સ્ટેશન માનવામાં આવે છે. અહિં તમને બ્રિટિશ કાળના અનેક રિસોર્ટ પણ જોવા મળશે. શહેરની ભાગદોડભરી જિંદગીથી જો કંટાળી ગયા હોવ તો કેરાલાનું મુન્નાર ઉત્તમ ઓપ્શન સાબિત થઈ શકે છે. અહિ નેશનલ પાર્ક અને ધોધની અનેક જગ્યાઓ પણ જોવાલાયક છે.
મનાલી
રિવરસાઈડ કાફે અને કુદરતી સૌંદર્યના કારણે ટૂરિસ્ટમાં હજુ પણ મનાલીનો ચાર્મ જળવાઈ રહ્યો છે. દરેક પ્રકારના ટ્રાવેલર્સ માટે આ સ્થળને રાઉન્ડ ડેસ્ટિનેશન માનવામાં આવે છે. અહિ તમે માઉન્ટેન બાઈકિંગ, રિવર રાફ્ટિંગ તેમજ પેરાગ્લાઈડિંગ જેવા એડવેન્ચર સ્પોર્ટ્સની મજા લઈ શકો છો.
લક્ષદિપ
જો ટાપુઓની વાત કરવામાં આવે તો લક્ષદિપ એ ટૂરિસ્ટ માટે સ્વર્ગ સમાન છે. લક્ષદિપ તેના કાચ જેવા સ્વચ્છ પાણી, મનોરમ્ય બીચ અને અનેક ટાપુઓથી ઘેરાયેલા સરોવર અને પરવાળાની સુંદરતા માટે ફેમસ છે.
વેલી ઓફ ફ્લાવર્સ
ઉત્તરાખંડમાં આવેલા ગોવિંદઘાટથી સત્તર કિલોમીટર દૂર આવેલા આ સ્થળને જોઈને તમારી આંખને અદ્ભૂત ઠંડક મળશે. પહેલી જુનથી લઈને ઓક્ટોબર સુધી આ સ્થળ જોવાલાયક હોય છે. અહિ અનેક પ્રકારના ફૂલો ખીલેલા હોય છે. જેની સુગંધ તનમનને તરબતર કરી દે છે.
ચેરાપૂંજી
મેઘાલય રાજ્યમાં સ્થિત અને સમુદ્ર સપાટીથી 4500 ફૂટ ઉંચાઈએ આવેલા ચેરાપૂંજીમાં પણ કુદરતી સૌંદર્યનો અખૂટ ભંડાર ભરેલો છે. ચેરાપૂંજીમાં અનેક બૌદ્ધ ગુફાઓ તેમજ વોટરફોલ્સ પણ છે. જે તેના સૌંદર્યમાં ચાર ચાંદ લગાવે છે. અહિ આવેલા આકર્ષક બ્રીજ, જૂના ચર્ચ તેમજ વસાહતો પણ મનમોહક છે.
કૂર્ગ પ્રદેશ
કર્ણાટકમાં આવેલા કોડાગૂને કૂર્ગ નામે પણ ઓળખવામાં આવે છે. અહિ આવેલો મદિકેરી કિલ્લો જોવાલાયક છે. જેમાં એન્ટ્રન્સ કરતાં જ જોવા મળતી બે તોતિંગ હાથીની પ્રતિમાઓ ટૂરિસ્ટ માટે આકર્ષણનું કેન્દ્ર છે. બર્ડ વોચિંગ અને સાઈટસીઈંગ માટે કૂર્ગ પ્રદેશ ટૂરિસ્ટ માટે મનપસંદ જગ્યા છે.
ઉદેપુર
ટૂરિસ્ટ માટે ઉદેપુર પણ સૌથી ઉત્તમ જગ્યા છે. અહિ અનેક પ્રકારની હવેલી, મોન્યુમેન્ટ્સ અને મંદિરો જોવા મળશે. જે આર્કિટેક્ચર દ્રષ્ટિએ મનમોહક લાગે છે. આ ઉપરાંત અહિ આવેલા પિચોલા લેકની સુંદરતા પણ ટૂરિસ્ટને વારંવાર આવવા માટે મજબૂર કરે તેવી છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.