દિવાળી અને દેવ દિવાળી એ બંને એકબીજા કરતા ઘણા અલગ પર્વો છે. બંનેની ઉજવણી પ્રકાશના પર્વ તરીકે થાય છે પરંતુ વારાણસીમાં દેવ દિવાળીના દિવસે જાણે સ્વર્ગ પૃથ્વી પર ઉતરી આવ્યું હોય તેવો સુંદર નજારો જોવા મળે છે. દેવ દિવાળીને શિવજીના ત્રિપુરાસુર પર વિજયના પ્રતીક તરીકે ઉજવવામાં આવે છે. દિવાળીના 15 દિવસ પછી ઉજવાતા આ તહેવારને ત્રિપુરોત્સવ તરીકે પણ ઉજવવામાં આવે છે. હવે ટેલિગ્રામ પર મેળવો દરેક મહત્વના સમચાર, શરૂ કરવા અહીં ક્લિક કરો કાર્તિક પૂર્ણિમાના દિવસે ઉજવાતા આ તહેવારમાં દેવતાઓ ગંગામાં દીવો પ્રગટાવવા માટે પૃથ્વી પર ઉતરતા હોવાની માન્યતા છે. તે માતા ગંગાને પ્રાર્થના કરે છે, ફૂલ ચડાવે છે અને કોડિયામાં દીવા કરે છે. ગંગાજીને દીવા ચડાવવાની પ્રક્રિયાને દીપદાન તરીકે ઓળખવામાં આવે છે. સૂર્યાસ્ત થાય એટલે વારાણસી ઘાટના દરેક પગથિયા પર હજારો દીવા પ્રજ્વલિત થઈ ઊઠે છે. આ દૃશ્ય એટલું સુંદર લાગે છે કે જાણે સ્વર્ગ પૃથ્વી પર ઉતર્યું હોય. આ દિવસે વારાણસીના બધા જ મંદિરોને પણ દીવા અને રોશનીથી પ્રકાશિત કરવામાં આવે છે.
આજે દેવ દિવાળી, ગંગા કિનારે સર્જાશે કંઈક આવો અદભૂત નજારો
I am Gujarat 12 Nov 2019, 3:32 pm