સામાન્ય કરતા ચાર ગણી વધારે છે આ બાળકની જીભ, 2 ઈંચ કાપ્યા પછી પણ વધી જ રહી છે

જ્યારે ઓવેનનો જન્મ થયો ત્યારે તેની માતા થેરેસાએ ડોક્ટરોને તેની જીભ વિશે પૂછ્યું, તે સમયે ડોક્ટરે તેની વાતને ટાળતા કહ્યું કે તે આટલી લાંબી એટલા માટે છે કારણ કે તેની જીભ સોજી ગઈ છે. જો કે, થેરેસાની નર્સે કહ્યું કે તેમણે આ મુદ્દે પૂછપરછ કરવી જોઈએ અને તે પછી ડોકટરોએ તપાસ શરૂ કરી હતી અને ઓવેનની બીડબ્લ્યુએસ સમસ્યા મળી આવી હતી.

ઓવેનનો જન્મ 7 ફેબ્રુઆરી 2018ના રોજ થયો હતો. બાળપણથી જ તેની જીભ ખૂબ મોટી હતી. તેને શ્વાસ લેવામાં પણ તકલીફ થઈ રહી હતી. ઘણી વખત આ બાળક રાત્રે સૂતી વખતે શ્વાસ લેવાનું ભૂલી ગયો હતો અને તેને ગૂંગળામણ થતી હતી. આ કારણે તેને સૂતી વખતે ઉલટી થઈ જતી. આ ઘટના પછી થેરેસા અને તેના પતિ ઘરે ડિજિટલ મોનિટર લાવ્યા હતા જેણે ઓવેનના હાર્ટ રેટ અને ઓક્સિજનનું સ્તર તપાસ્યું હતું અને જો કંઇપણ અસામાન્ય બન્યું હોય તો તેમને જાણ કરે છે.

થેરેસાએ કહ્યું કે આ ડિજિટલ મોનિટર લાવ્યા પછી તેને ઘણા એલર્ટ મળ્યાં કે તેનો પુત્ર ઓક્સિજન બરાબર નથી મેળવી રહ્યો અને આ મોનિટર દ્વારા ઘણી વખત તેનું જીવન બચી ગયું. થેરેસાના જણાવ્યા અનુસાર ઓવેનની સ્થિતિને કારણે તેના કેન્સર થવાની સંભાવના પણ વધી છે. તેથી તેના અલ્ટ્રાસાઉન્ડ અને લોહીની તપાસ દર ત્રણ મહિને કરવામાં આવે છે.

ઓવેનની એક સર્જરી પણ થઈ છે. જેમાં તેની બે ઇંચની જીભ કાપવામાં આવી હતી. આ પછી ઓવેનની ઊંઘમાં શ્વાલ લેવાનું ભૂલી જવાની સમસ્યા સમાપ્ત થઈ ગઈ છે. અત્યારે તેની જીભને કારણે ઓવેનને કોઈ જોખમ નથી. જો કે, ડોકટરો કહે છે કે તેની જીભનો વિકાસ હજી ઓછો થયો નથી અને તે કાયમી સમાધાનની શોધમાં છે જેથી આ બાળકની જીભનો વિકાસ ઓછો થઈ શકે.