ગજબ છે અહીં ચાની કિટલી પર એક કપ રુ.1000 માં મળે છે, તમે પીશો?

આપણામાંથી ઘણા એવા હશે જેમનો દિવસ ઉગે અને આથમે બંને ચા સાથે થતો હશે. કેટલાક લોકોને દર થોડા કલાકે ચાની ચુસકી મારવાની આદત હોય છે. આવા લોકો મજાકમાં કહેતા હોય છે કે ચા તો મારા માટે જીવન છે. અમૃત સમાન છે. ત્યારે આવા શોખીન તમે પણ હોવ અને કોઈ કહે કે અહીં ચાની કિટલી પર એક કપ રુ. 1000માં મળે છે તો તમે પીવા જશો? શું તમારી મનભાવતી ચા માટે તમે આટલા રુપિયા ખર્ચી શકશો? જો કેટલાક મીડિયા અહેવાલોનું માનીએ તો કોલકાતાના મુકુંદપુરમા એક એવી ચાની કિટલી છે જ્યાં કદાચ સૌથી મોંઘી ચા મળે છે. આ નાનકડી દુકાનમાં 100 અલગ અલગ પ્રકારની ચા મળે છે. આ અહેવાલો મુજબ અહીં રુ. 12થી શરું કરીને રુ.1000 સુધીની એક કપ ચા મળે છે.
વાહ! 1 મિનિટની શોર્ટ ફિલ્મ બનાવીને રુ. 2 લાખ કમાવવાની તક આપી રહી છે સરકાર
આ ચા મોંઘી હોવા પાછળનું કારણ છે ચાપત્તી, અહીં તમને રુ. 1000ના કપમાં દુનિયાની સૌથી મોંઘી Bo-Lay ચાનો સ્વાદ ચાખવા મળી શકે છે. આ ચાપત્તીના એક કિલોગ્રામનો ભાવ માર્કેટમાં 3 લાખ રુપિયા જેટલો મોંઘો છે.
સાપ્તાહિક લવ રાશિફળઃ ગૂરુ-શુક્રના રાશિ પરિવર્તનથી 6 રાશિના લોકો ખૂબ રોમાન્ટિક બનશે
ચાના અલગ અલગ સ્વાદ

આ ઉપરાંત આ દુકાનમાં લવંડર ટી, ઓકેટી ટી, વાઇન ટી, તુલસી જીંજર ટી, હિબિસ્કર ટી, તીસ્તા વેલી ટી, મકઈબારી ટી, રુબિએસ ટી, સિલ્વર નીડલ વ્હાઇટ ટી અને ઓલ બ્લૂ ટિશ્યન ટી જેવી જુદી જુદી સ્વાદની અને ક્યારેય ન સાંભળી હોય તેવા પ્રકારની ચાનો સ્વાદ માણવા મળી શકે છે. પરંતુ હા તમારે આ જુદી જુદી ચા માટે ખિસ્સું પણ તેટલું જ હળવું કરવું પડી શકે છે. ચાનો પ્રકાર જેટલો વિશિષ્ટ તેટલો જ ચાનો ભાવ પણ વધારે હોઈ શકે છે.
એન્ડ્રોઈડ યૂઝર્સને ફરી ડરાવવા આવી ગયો Joker, આ 8 એપ્સ તરત જ ડિલિટ કરો
વર્ષ 2014માં ખોલી હતી દુકાનો

કોલકાતાના મુકુંદપુરમાં આવેલા આ ચા સ્ટોલના માલિક છે પાર્થ પ્રાતિમ ગાંગુલી. જેઓ પહેલા એક સારી એવી નોકરી કરતા હતા અને પોતાના ફિલ્ડમાં જ આગળ વધવા માગતા હતા. જોકે 2014માં એક એવો ટ્વિસ્ટ આવ્યો અને તેમણે નોકરી છોડી દીધી અને આ અનોખી ચાની દુકાન શરું કરી. વર્ષ 2014માં તેમણે શરું કરેલી પોતાની નાની ચા દુકાન Nirjash હવે ખૂબ જ લોકપ્રિય થઈ ચૂકી છે. દૂર દૂરથી લોકો અહીં તેમની જુદા જુદા ફ્લેવરની ચાનો સ્વાદ માણવા આવે છે.