રેસ્ટોરન્ટમાં ભોજન કર્યા બાદ 15 હજાર રૂપિયાનું બિલ સાથે વેઇટ્રેસને આપી 3 લાખની ટિપ

પેન્સિલવેનિયાની એક રેસ્ટોરન્ટમાં એક ગ્રુપે શનિવારે રાત્રે 205 ડોલર (રૂ. 15,000) ના બિલ ઉપર ટિપના રૂપમાં 5000 ડોલર (રૂ. 3.67 લાખ) છોડી દીધા હતા. આ જોઈને વેઇટ્રેસને પણ આશ્ચર્ય થયું. સીબીએસ ફિલ્લીના રિપોર્ટ મુજબ ગ્રાહકોનાં નામ જાહેર કરાયા નથી. તે રેસ્ટોરન્ટનો નિયમિત ગ્રાહક છે. કન્ટ્રી ક્લબ રેસ્ટોરન્ટનું નામ એન્થની પાક્સન હોલો છે. રાજ્ય સરકારે કોરોનાવાયરસ રોગચાળાને કારણે ઇન્ડોર ડાઇનિંગ પર પ્રતિબંધ મૂક્યો છે. ગોલ્ફરોનું એક ગ્રુપ પ્રતિબંધ પહેલાં પહોંચ્યું હતું અને વેઇટ્રેસ જિયાના ડિઆંજેલો માટે ટિપમાં આટલી મોટી રકમ મૂકતા ગયા.

ગ્રાહકનો આભાર માનવા માટે રેસ્ટોરન્ટે ફેસબુક પર એક પોસ્ટ મૂકી. તેમણે પોસ્ટમાં લખ્યું છે કે, 'અમારી પાસે થેક્યૂ બોલવા સિવાય કોઈ શબ્દ નથી'. આ પોસ્ટને સોશિયલ મીડિયા પર બહોળા પ્રમાણમાં શેર કરવામાં આવી રહી છે. તેમણે લખ્યું, "અહીં અમારા કર્મચારીઓ માટે અવિશ્વસનીય સમર્થન! અમારા કર્મચારીઓને રજાઓ ઉજવવામાં મદદ કરવા બદલ આભાર."


એક ફેસબુક યુઝરે લખ્યું, 'તમે એક સારું કામ કર્યું છે, તેના માટે આભાર. આ મુશ્કેલ સમયમાં ઉદ્યોગને ઘણું નુકસાન થયું છે. આ ટિપ વિશે વેઈટ્રેસ જિયાના ડિઆંજેલો કહે છે કે તે આશ્ચર્યચકિત છે.

જિયાનાએ એબીસી ન્યૂઝને કહ્યું, 'હું દરેક વસ્તુથી ખુશ છું. જ્યારે મને 5 હજાર ડોલરની ટિપ આપવામાં આવી ત્યારે મને આંચકો લાગ્યો. હું તે પૈસા કોલેજ માટે રાખું છું અને તેનો ઉપયોગ અન્ય લોકોની સહાય માટે કરીશ. ડિઆંજેલો નર્સ બનવા માટે અભ્યાસ કરે છે.