સલાડ વેચી લાખો રૂપિયા કમાય છે આ મહિલા, માત્ર 3 હજારમાં શરૂ કર્યો હતો બિઝનેસ

હોટલમાં જમતી વખતે દરેક વ્યક્તિ વિચારે છે કે, સાથે ફ્રીમાં સલાડ મળી રહેશે પણ આજકાલ સલાડની વેલ્યૂ વધી રહી છે. ઘણા બધા લોકો માત્ર સલાડનો બિઝનેસ કરે છે અને હેલ્થ કૉન્શિયસ લોકોમાં તેની ડિમાન્ડ વધતી રહી છે. જે લોકો અલગ-અલગ પ્રકારના સલાડ પસંદ કરે છે તેઓ જાણે છે કે, તે સ્વાસ્થ્ય માટે કેટલાં લાભકારી છે. પુણેમાં રહેનારી એક મહિલાએ સલાડથી જ પોતાનો એક બહુ જ સારો બિઝનેસ ઊભો કરી લીધો છે. તેમનું નામ છે મેઘા બાફના. તેમણે સલાડનો સ્વાદ લોકો સુધી પહોંચાડવાનું મન બનાવ્યું અને દુનિયાને કરી બતાવ્યું કે, સલાડના બિઝનેસથી પણ ખૂબ જ સારા રૂપિયા કમાઈ શકાય છે.

2017માં શરૂ કર્યો બિઝનેસ

તેમણે 2017માં પોતાનો બિઝનેસ શરૂ કર્યો. શરૂઆતમાં તે ઘરેથી સલાડ બનાવી વ્હોટ્સએપ પર અન્ય લોકો સાથે શેર કરતાં હતાં. ટૂંક સમયમાં જ તેમને ઑર્ડર મળવાના શરૂ થઈ ગયા. પહેલા જ દિવસે પાંચ ઑર્ડર મળ્યા હતા, જે તેમનાં મિત્રોએ જ આપ્યા હતા. ધીમે-ધીમે લોકોને તેમના દ્વારા બનાવવામાં આવેલાં સલાડ ખૂબ પસંદ પડ્યાં. ઑર્ડર વધતા ગયા અને બિઝનેસ સતત વધતો ગયો.

કમાઈ ચૂક્યાં છે 22 લાખ

દરેક સલાડનું પેકિંગ અને મસાલા મેઘા જાતે તૈયાર કરે છે

હવે મેઘા એક બિઝનેસ વુમન બની ચૂક્યાં છે. તેમણે 3 હજારમાં આ બિઝનેસ શરૂ કર્યો હતો. અત્યાર સુધી તે આ બિઝનેસમાંથી 22 લાખ રૂપિયા કમાઈ ચૂક્યાં છે. તેઓ રોજ સવારે સાડા ચાર વાગ્યે ઉઠે છે અને પછી સલાડના પેકેટ તૈયાર કરવામાં જોતરાઈ જાય છે. પછી મસાલા તૈયાર કરે છે. દરેક કામ તેમણે જાતે જ કર્યું. ઘણીવાર નુકસાન પણ થયું. જોકે, તેઓ સતત પોતાના કામને વળગી રહ્યા. બહુ ઓછા સમયમાં તેમનો બિઝનેસ સેટ થઈ ગયો.

દર મહિને થાય છે આટલી કમાણી

લૉકડાઉનની પહેલા મેઘા પાસે આશરે 200 રેગ્યુલર કસ્ટમર હતા. તેમની મહિનાની બચત 75 હજારથી 1 લાખ રૂપિયા રહેતી હતી. ચાર વર્ષની અંદર તેઓ 22 લાખથી વધુ રૂપિયા કમાઈ ચૂક્યાં છે. મેઘાના ઉદાહરણથી એટલું સાબિત થાય છે કે, તમે ભલે ગમે તે બિઝનેસ કરો, જો મન લગાવીને કરશો તો સફળતા મળશે જ. શરૂઆતમાં નુકસાન થઈ શકે છે પણ તેને અધવચ્ચે છોડવાનો વિચાર ન કરો, બસ તેને વળગી રહો.