પાલતૂ કૂતરાંનું થયું મોત તો દુઃખી માલિકે પણ આપી દિધો જીવ!

છિંદવાડાઃ મધ્યપ્રદેશના છિંદવાડાથી એક ચોંકાવનારો મામલો સામે આવ્યો છે. અહીં એક વ્યક્તિએ પોતાના પાલતૂ કૂતરાંના મોતનાં દુઃખમાં આત્મહત્યા કરી લીધી! અહેવાલ મુજબ, આ કેસ છીંદવાડા પોલીસ સ્ટેશન વિસ્તારમાં સોનેપુર મલ્ટી સ્થિત એક ઘરમાં બની છે. જ્યાં રહેતા 43 વર્ષીય સંજીવ મંડલના પાલતૂ કૂતરાંનુ બે દિવસ પહેલા મોત થતા દુઃખી હતો. પોલીસે માલિકના આપઘાત અંગે કેસ નોંધી વધુ તપાસ હાથ ધરી છે.

મૃતકના પુત્ર અમન મંડળે જણાવ્યું કે અમારા મકાનમાં એક કૂતરો હતો, જેનું સવારે મોત નીપજ્યું હતું. તેમના મૃત્યુથી પિતાને ભારે દુઃખ થયું હતું. તેમણે દારૂ પીધો હતો. જ્યારે અમે બપોરે 1 વાગ્યે કામ પરથી ઘરે પરત ફર્યા ત્યારે તેમણે ફાંસી લગાવી લીઘી હતી.

પોલીસ સ્ટેશનના પ્રભારી મનીષરાજ ભદોરિયાએ જણાવ્યું હતું કે સોમદેવ નામના વ્યક્તિનો પાલતુ કૂતરો 2 દિવસ પહેલા ગુમ થયો હતો, જે બાદમાં મૃત મળી આવ્યો હતો. તે માણસ તેના મૃત્યુથી દુ: ખમાં હતો. સંબંધીઓએ જણાવ્યું હતું કે કૂતરાનું મોત થતા તેણે પોતે આત્મહત્યા કરી લીધી હોય તેવું લાગી રહ્યું છે.