Nokiaના આ ફેમસ ફોન પર 39 હજાર કિલોનું વજન નાખ્યું, પછી જુઓ શું થઈ હાલત

જ્યારે સ્માર્ટફોન હાથમાંથી છૂટીને જમીન પર પડે છે ત્યારે લગભગ દરેક વ્યક્તિનો જીવ અદ્ધરતાલ થઈ જાય છે. માણસ એ જ વિચારવા લાગે છે કે ક્યાંક ફોનની સ્ક્રિન તો તૂટી નહીં હોયને ક્યાંક તેનું ટચપેડ તો ખરાબ થયું નહીં હોય ને, જોકે આવો ડર ત્યારે નહોતો જ્યારે લોકો નોકિયા 3310 જેવો મજબૂત મોબાઈ યુઝ કરતા હતા. આ મોબાઈલ માટે તો એવું કહેવામાં આવે છે કે તેની મદદથી માણસ દિવાલમાં ખિલ્લી સુદ્ધા ઠોકી શકે છે. તેવી જ રીતે આ ફોન ગમે ત્યાંથી પડે, ફેંકો તો પણ તેને કંઈ થતું નહોતું. તેવામાં ઇન્ટરનેટ પર વાયરલ થયેલો એક વીડિયો સબૂત આપી રહ્યો છે કે શા માટે Nokia 3310 તૂટતો નથી.

પહેલા આ વીડિયો જોઈ લો

આ વીડિયોને ટ્વિટર યુઝર @minblowingvid એ શુક્રવારે શેર કર્યો હતો. આ વીડિયોમાં તમે જોઈ શકો છો કે એક હાઈડ્રોલિક પ્રેસ મશીન વચ્ચે નોકિયા 3310 મોબાઈલને રાખી દેવામાં આવે છે. આ મશીન પોતાનું બધું જોર વાપરે છે અને ધીરે ધીરે દબાણ વધતું જાય છે અને આખરે જ્યારે મોબાઈ પર 39000 કિલોગ્રામનું વજન દબાણ આવે છે ત્યારે તે પિચક કરીને ભુક્કો થઈ જાય છે.

ખૂબ કામના ફોન હતા આ....


આને તોડવા માટે 5 પ્રેશ મશિન લાગશે?

આ વાયરલ વીડિયોને ન્યુઝ લખવા સુધીમાં 4 લાખથી વધુ વ્યુઝ મળી ચૂક્યા છે. તેમજ 20 હજાર કરતા વધુ લાઇક્સ મળી ચૂક્યા છે. તો સેંકડો યુઝર્સે કોમેન્ટ કરી છે અને મોબાઈલની મજબૂતીના વખાણ કર્યા છે. તો કેટલાક લોકોએ લખ્યું આ વીડિયો તો ફેક છે. કેમ કે આ મોબાઈલે તો તૂટવું જ જોઈતું નહોતું.

આઈફોન તો આટલા પર જ તૂટી જાય છે

તમને જણાવી દઈએ કે નોકિયાએ આ ફોન વર્ષ 2000ની સાલમાં લોન્ચ કર્યો હતો. જેને તેની મજબૂતી માટે લોકો આજે પણ યાદ કરે છે. જોકે જૂના મોબાઈલની પ્યોપ્યુલારિટીને લઈને કંપનીએ 2017માં ફરી એકવાર નોકિયા 3310ને નવા ફિચર્સ સાથે લોન્ચ કર્યો પરંતુ તે લોકોના દિલમાં જગ્યા બનાવી શક્યો નહીં.