VIDEO: હોડીમાં જઈ રહેલા લોકોને અચાનક નદી વચ્ચે પાણીમાં વાઘ તરતો દેખાયો અને પછી

તેમાં કોઈ શંકા નથી કે ટાઇગર જેટલો સુંદર છે એટલો જ તે ખતરનાક છે. પરંતુ જ્યારે કોઈ વ્યક્તિ આ સુંદર પ્રાણીને જોઈને બૂમ પાડે છે તો ખરેખર કોણ ડરે છે? જંગલ સફારીનો એક વિડીયો થોડા દિવસોથી સોશિયલ મીડિયા પર વાયરલ થયો છે. તેમાં એક વાઘ અચાનક મનુષ્યની નજીક પહોંચે છે. લોકો બૂમ પાડે છે. પણ વાઘ ચૂપચાપ ત્યાંથી જતો રહે છે. હવે વાઘનો સ્વિમિંગ કરતો વિડીયો સોશિયલ મીડિયામાં સામે આવ્યો છે.

આ સિવાય વધુ એક વિડીયો પણ સામે આવ્યો છે. જેમાં કેટલાક લોકો હોડીમાં બેસીને નદીમાંથી પસાર થઈ રહ્યા હતા. ત્યારે તેમને નદીના પાણીમાં વાઘ તરતો દેખાયો. તેનાથી દૂર રહેવાને બદલે તેઓ વાઘ-વાઘ બૂમો પાડવા લાગ્યા અને તેઓ તેની એટલા નજીક જતા રહ્યા કે વાઘ પોતાને બચાવવા માટે ઝડપથી તરવા લાગે છે. આ દરમિયાન હોડીમાં સવાર લોકો તેનો વિડીયો ઉતારી રહ્યા છે.


આ વિડીયોને આઈએફએસ અધિકારી @rameshpandeyifsએ રવિવારે શેર કર્યો છે. કેપ્શનમાં તેણે લખ્યું છે, 'વાઘ...વાઘ…! એક યુવા વાઘને નદી પાર કરતા જોવો તે ચોક્કસ આશ્ચર્યચકિત થાય તેવું છે. જો કે, મૌન જાળવવું અને સલામત અંતર સૌથી મહત્વપૂર્ણ છે. આ વિડીયો અંત સુધી જુઓ. આ લેખ લખાય ત્યાં સુધીમાં આ વિડીયોને 19 હજારથી વધુ વ્યૂઝ, 1 હજારથી વધુ લાઈક્સ અને 185 રી-ટ્વીટ્સ મળી છે.


આ પહેલા વાઘનો વાઈર વિડીયો આઈએફએસ સુશાંત નંદાએ શેર કર્યો હતો. તેણે કેપ્શનમાં લખ્યું છે - જ્યારે માણસનું મગજ નથી ચાલતું હોતું તો તે મોં ચલાવે છે. અલબત્ત, વાઘે જે રીતે પોતાનો ગુસ્સો નિયંત્રિત કર્યો તે વખાણવા યોગ્ય છે, પરંતુ ભવિષ્યમાં તેની બાંહેધરી આપી શકાતી નથી. ”સમાચાર લખાય છે ત્યાં સુધીમાં વીડિયોને 8,000 વ્યૂ મળી ચૂક્યા છે અને લગભગ એક હજાર લાઈક્સ મળ્યા છે.


તે જોઇ શકાય છે કે એક વાઘ અચાનક જંગલની બહાર આવે છે અને રસ્તાની બાજુની દિવાલ પર ઊભો હોય છે, જ્યારે પ્રવાસીઓથી ભરેલી જીપ ત્યાં ઊભી હોય છે. કેટલાક લોકો આ અદ્ભુત દ્રશ્યને કેમેરામાં કેદ કરે છે જ્યારે કેટલાક લોકો વાઘને આટલો નજીકથી જોયા પછી ચીસો પાડવા લાગે છે. જો કે, વાઘ કોઈને નુકસાન કરતો નથી.