Baba Ka Dhaba: હોસ્પિટલથી ધરે આવ્યા કાંતા પ્રસાદ, જણાવ્યું શા માટે ખાધી હતી ઊંઘની ગોળીઓ!

'બાબા કા ઢાબા' ચલાવતા કાંતા પ્રસાદને સફદરજંગ હોસ્પિટલમાંથી રજા આપવામાં આવી છે. થોડા દિવસો પહેલા તેમણે કોઈ કારણો સર ઘણી બધી ઊંઘની ગોળીઓ લીધી હતી. કથિત રીતે તેમણે આત્મહત્યા કરવાની કોશિશ કરી હતી. હવે તેમણે પોલીસ સમક્ષ પોતાનું નિવેદન નોંધાવ્યું છે. આમાં તેમણે કહ્યું કે આ પગલું શા માટે લીધું હતું.

ગુજરાતમાં કોરોનાના ડેલ્ટા પ્લસ વેરિયન્ટના બે કેસ મળતાં ફફડાટ
ઇન્ડિયન એક્સપ્રેસના રિપોર્ટ અનુસાર કાંતા પ્રસાદે એક નિવેદનમાં કહ્યું છે કે કેટલાક યુટ્યુબર્સે તેમના પર ગૌરવ વસનની માફી માંગવા માટે દબાણ કર્યું હતું. જેના કારણે તે હતાશામાં હતા. દિલ્હીના ડીસીપી (દક્ષિણ જિલ્લા) અતુલકુમાર ઠાકુરે કહ્યું કે બાબાની હાલત સ્થિર છે, તે ઘરે આવી ગયા છે. જો કે, હજુ સુધી કોઈની સામે કોઈ એફઆઈઆર નોંધાઈ નથી. પરંતુ પોલીસ આ કેસમાં યુટ્યુબર્સની ભૂમિકાની તપાસ કરી રહી છે.

મુકેશ અંબાણી અને ગૌતમ અદાણી વચ્ચે ગ્રીન એનર્જી બિઝનેસમાં થશે સીધી ટક્કર
જ્યારે બાબાએ ઊંઘની ગોળીઓ ખાધી હતી ત્યારે તેમના પુત્રએ મીડિયાને પણ કહ્યું હતું કે તેમના પિતા હતાશામાં હતા. 6 વર્ષ પહેલા પણ તેણે આવી ઉંઘની ગોળીઓ લીધી હતી. તેમણે કહ્યું કે હવે ઘણા લોકો એમ કહેતા હતા કે (ગૌરવ વસનની) માફી માંગો, માફી માંગો. ઘણા લોકોએ તેમને દબાણ પણ કર્યું. ઘણા લોકો ખરાબ બોલ્યા કે તમે દુરુપયોગ કરતો હતો. આ કારણે તેઓ અસ્વસ્થ થઈ ગયા હતા. કેટલાક લોકો દુકાન પર આવતા અને બે-ચાર વાતો કહીને નીકળી જતા.

જણાવી દઈએ કે કાંતા પ્રસાદ અને યુટ્યુબર ગૌરવ વસનનો વિડીયો પણ સામે આવ્યો હતો. આમાં ગૌરવ વસન બાબાને મળવા તેમના ઢાબા પાસે પહોંચ્યો હતો. કાંતા પ્રસાદ સ્થળ પર જ ભાવુક થઈ ગયા. ગૌરવ તેને ભેટી પડ્યો. બાબાએ માફી માંગી લીધી હતી. તે જ સમયે તે કહે છે કે માફી માંગવા માટે તેના પર દબાણ લાવવામાં આવ્યું હતું.


'બાબા કા ઢાબા'ને ગત વર્ષે ચર્ચામાં ગૌરવ જ લાવ્યો હતો. તેણે 6 ઓક્ટોબરના રોજ તેની ફૂડ ચેનલ 'સ્વાદ ઓફિશિયલ' પર 11 મિનિટનો વિડીયો પોસ્ટ કર્યો. વૃદ્ધ કાંતા પ્રસાદ આમાં રડતા હતા. આ વિડીયો એકદમ વાયરલ થયો હતો. લોકો તેમની મદદ માટે 'બાબા કા ઢાબા' સુધી પહોંચવા લાગ્યા. જો કે બાદમાં તેમણે ગૌરવ પર પૈસાની બાબતમાં છેતરપિંડીનો આરોપ લગાવ્યો હતો.