બેંગલુરુ: ઝોમેટોના ડિલિવરી બોય દ્વારા એક યુવતી પર કથિત હુમલો કરવાની ચર્ચાસ્પદ ઘટનામાં હવે નવો વળાંક આવ્યો છે. યુવતીએ ડિલિવરી બોય સામે ફરિયાદ નોંધાવ્યા બાદ હવે ડિલિવરી બોયે તેની સામે FIR કરાવી છે, જેમાં તેણે દાવો કર્યો છે કે, તેના પર મૂકવામાં આવેલા આરોપ ખોટા છે. એટલું જ નહીં, તેણે એમ પણ જણાવ્યું છે કે, યુવતીએ તેની સાથે ગાળાગાળી કરી તેને ચપ્પલથી ફટકાર્યો હતો, ઝપાઝપી દરમિયાન તેની જ વીંટીથી તેને ઈજા થઈ હોવાનું પણ કામરાજનું કહેવું છે.
હિતેષાએ આ મામલે પોલીસ ફરિયાદ કરતાં પોલીસે 10 માર્ચના રોજ ડિલિવરી બોય કામરાજ સામે કેસ દાખલ કર્યો હતો, અને તેની આઈપીસીની વિવિધ કલમો હેઠળ ધરપકડ કરવામાં આવી હતી. જોકે, પાછળથી કામરાજનો જામીન પર છૂટકારો થઈ ગયો હતો. ઝોમેટોમાં છેલ્લા ત્રણ વર્ષથી કામ કરતા કામરાજે છૂટ્યા બાદ હિતેષા સામે આક્ષેપો કર્યા હતા અને તેણે પોતાને ખોટી રીતે ફસાવી દીધો હોવાનો દાવો કર્યો હતો. તેણે હિતેષા સામે ફરિયાદ કરતાં પોલીસે હવે હિતેષા સામે કાર્યવાહી શરુ કરી છે.
કામરાજનો પક્ષ સામે આવતા સોશિયલ મીડિયા પર તેના સમર્થનમાં કેમ્પેઈન પણ શરુ થયું હતું. કામરાજનો દાવો છે કે, તે હિતેષાના ઘરે પહોંચ્યો ત્યારે હિતેષાએ તેને ગાળો બોલવાનું શરુ કર્યું હતું, અને ત્યારબાદ તેના પર ચપ્પલ ફેંક્યું હતું. કામરાજનું એવું પણ કહેવું છે કે, હિતેષા તેની સાથે ઝપાઝપી કરી રહી હતી ત્યારે તેની જ આંગળીથી તેના નાક પર ઈજા થઈ હતી.
પોતે જે રુટ પરથી હિતેષાએ ઓર્ડર કરેલા ફુડની ડિલિવરી આપવા નીકળ્યો હતો તેના પર કામ ચાલતું હોવાથી તેને મોડું થઈ ગયું હોવાનું પણ કામરાજે કહ્યું હતું. જોકે, હિતેષાએ તેની કોઈ વાત સાંભળવાનો ઈનકાર કરી દીધો હતો, અને તેને ગાળો ભાંડી હતી. બીજી તરફ, ઝોમેટોના સ્થાપક દીપિન્દર ગોયલે કંપની હિતેષાની ટ્રીટમેન્ટનો ખર્ચો આપી રહી છે તેવું જણાવતા એમ પણ કહ્યું હતું કે, કામરાજને પણ કાયદાકીય મદદ અપાઈ રહી છે. તેમણે કહ્યું હતું કે, કામરાજે અત્યારસુધી 5000 ડિલિવરી કરી છે, અને તે 5માંથી 4.75નું રેટિંગ ધરાવે છે.
હિતેષાએ આ મામલે પોલીસ ફરિયાદ કરતાં પોલીસે 10 માર્ચના રોજ ડિલિવરી બોય કામરાજ સામે કેસ દાખલ કર્યો હતો, અને તેની આઈપીસીની વિવિધ કલમો હેઠળ ધરપકડ કરવામાં આવી હતી. જોકે, પાછળથી કામરાજનો જામીન પર છૂટકારો થઈ ગયો હતો. ઝોમેટોમાં છેલ્લા ત્રણ વર્ષથી કામ કરતા કામરાજે છૂટ્યા બાદ હિતેષા સામે આક્ષેપો કર્યા હતા અને તેણે પોતાને ખોટી રીતે ફસાવી દીધો હોવાનો દાવો કર્યો હતો. તેણે હિતેષા સામે ફરિયાદ કરતાં પોલીસે હવે હિતેષા સામે કાર્યવાહી શરુ કરી છે.
કામરાજનો પક્ષ સામે આવતા સોશિયલ મીડિયા પર તેના સમર્થનમાં કેમ્પેઈન પણ શરુ થયું હતું. કામરાજનો દાવો છે કે, તે હિતેષાના ઘરે પહોંચ્યો ત્યારે હિતેષાએ તેને ગાળો બોલવાનું શરુ કર્યું હતું, અને ત્યારબાદ તેના પર ચપ્પલ ફેંક્યું હતું. કામરાજનું એવું પણ કહેવું છે કે, હિતેષા તેની સાથે ઝપાઝપી કરી રહી હતી ત્યારે તેની જ આંગળીથી તેના નાક પર ઈજા થઈ હતી.
પોતે જે રુટ પરથી હિતેષાએ ઓર્ડર કરેલા ફુડની ડિલિવરી આપવા નીકળ્યો હતો તેના પર કામ ચાલતું હોવાથી તેને મોડું થઈ ગયું હોવાનું પણ કામરાજે કહ્યું હતું. જોકે, હિતેષાએ તેની કોઈ વાત સાંભળવાનો ઈનકાર કરી દીધો હતો, અને તેને ગાળો ભાંડી હતી. બીજી તરફ, ઝોમેટોના સ્થાપક દીપિન્દર ગોયલે કંપની હિતેષાની ટ્રીટમેન્ટનો ખર્ચો આપી રહી છે તેવું જણાવતા એમ પણ કહ્યું હતું કે, કામરાજને પણ કાયદાકીય મદદ અપાઈ રહી છે. તેમણે કહ્યું હતું કે, કામરાજે અત્યારસુધી 5000 ડિલિવરી કરી છે, અને તે 5માંથી 4.75નું રેટિંગ ધરાવે છે.