માસ્ક લગાવ્યા પછી ચશ્મામાં ધુમ્મસ ન જામે તે માટે ડોક્ટરે લગાવ્યો જુગાડ

કોવિડ 19ના ચેપને રોકવા માટે માસ્ક એ એક અસરકારક રીત છે. પરંતુ ચશ્માં પહેરેલા લોકો માટે માસ્ક એક સમસ્યા ઊભી કરે છે. માસ્ક લાગાવ્યા પછી ચશ્માના લેન્સ પર ધુમ્મસ એકઠું થવા લાગે છે જેનાથી વસ્તુઓ સ્પષ્ટ રીતે જોવાનું મુશ્કેલ બને છે. જો તમે પણ આ સમસ્યાનો સામનો કરી રહ્યા છો તો આ ડોક્ટરે તેનો જુગાડ શોધી કાઢ્યો છે.

આ જુગાડથી ન તો તમારા ચશ્માના લેન્સ પર ધુમ્મસ કરશે અથવા તમને શ્વાસ લેવામાં તકલીફ નહીં થાય. આ જ કારણ છે કે આ યુક્તિ સોશ્યલ મીડિયા પર વાયરલ થઈ છે.


આ તસવીર ટ્વિટર યૂઝર @DanHeifermanMD દ્વારા શેર કરવામાં આવી છે. તેમણે કેપ્શનમાં લખ્યું છે, 'જો તમે માસ્ક લગાવ્યા પછી ચશ્મા પર ધુમ્મસની સમસ્યા સાથે સંઘર્ષ કરી રહ્યા છો, તો એક સરળ બેન્ડ-એઇડ ઊપયોગી સાબિત થઈ શકે છે!' માસ્ક અને નાકના ભાગ પર બેન્ડ એઈડ ચપકાવવામાં આવી છે. આ કરવાથી ગરમ શ્વાસ ચશ્માના લેન્સ પર નહીં જાય, જેથી ધુમ્મસ નહીં આવે અથવા તમને જોવામાં કોઈ તકલીફ થશે નહીં.