એપશહેર

'સીતા' તરીકે જાણીતા દીપિકા ચીખલિયાની આગામી ફિલ્મનો ફર્સ્ટ લૂક વાયરલ, જુઓ

સીતાનું પાત્ર ભજવીને ઘરે-ઘરે પ્રખ્યાત થયેલા ટીવી એક્ટ્રેસ દીપિકા ચીખલિયા આજકાલ ફરી એક વખત ચર્ચામાં

I am Gujarat 2 Jun 2020, 1:02 pm
પૌરાણિક શૉ રામાયણમાં સીતાનું પાત્ર ભજવીને ઘરે-ઘરે પ્રખ્યાત થયેલા ટીવી એક્ટ્રેસ દીપિકા ચીખલિયા આજકાલ ફરી એક વખત ચર્ચામાં છે. કારણકે, દેશમાં લોકડાઉન દરમિયાન ટીવી સિરિયલ 'રામાયણ'નું દૂરદર્શન પર ફરી એક વખત પ્રસારણ કરવામાં આવ્યું હતું. હવે, દીપિકા ચીખલિયા ફિલ્મી પડદે પ્રથમ મહિલા ગવર્નર સરોજિની નાયડુનું પાત્ર ભજવતા જોવા મળશે. તેમણે પોતાની ફિલ્મ 'સરોજિની'ના ફર્સ્ટ લૂકનું પોસ્ટર સોશિયલ મીડિયા પર શેર કર્યું છે.
I am Gujarat sarojini


એક્ટ્રેસ દીપિકા ચીખલિયાએ ગુરુવારના રોજ ઈન્સ્ટાગ્રામ અકાઉન્ટ પર ફિલ્મ 'સરોજિની'ના પોતાના ફર્સ્ટ લૂકનું પોસ્ટર શેર કર્યું છે. આ પોસ્ટરમાં દીપિકા ચીખલિયાની સાથે ભીડ જોવા મળી રહી છે. આ પોસ્ટર પર સ્વતંત્રતાની નાયિકાની કહાણી એવું લખેલું છે. આ ફિલ્મના ડિરેક્ટર અને લેખક ધીરજ મિશ્રા છે.

સરોજિની નાયડુના પાત્ર આધારિત આ ફિલ્મ વિશે વાત કરતા દીપિકા ચીખલિયાએ જણાવ્યું કે હા હું આ પાત્ર ભજવવા જઈ રહી છું અને તે મારા માટે પડકારજનર રોલ હશે. મેં જે રીતે સીતા માતાનું પાત્ર ટીવી પડદે જીવંત કર્યું હતું તેવું અગાઉ ક્યારેય કોઈએ જોયું નહોતું. પણ, સરોજિની નાયડુ વિશે લોકો જાણે છે તેવામાં આ ફિલ્મ માટેના ગેટઅપથી લઈને સંવાદ માટે મારે ખૂબ મહેનત કરવી પડી રહી છે.

સરોજિની નાયડુનો રોલ કેવી રીતે મળ્યો તે વિશે વાત કરતા દીપિકા ચીખલિયાએ જણાવ્યું કે હું પંડિત દીનદયાળ ઉપાધ્યાયની બાયોપિકમાં એક પાત્ર કરી રહી હતી. આ સિવાય ગાલિબ નામની પણ એક ફિલ્મ કરી રહી છું. આ બંને ફિલ્મોના લેખક ધીરજ મિશ્રા છે. આ દરમિયાન સરોજિની નાયડુના પાત્ર વિશે ચર્ચા થઈ અને મને લાગ્યું કે આ પાત્ર મારા માટે પરફેક્ટ છે. અહીં ઉલ્લેખનીય છે કે દીપિકા ચીખલિયા હાલમાં જ આયુષ્માન ખુરાનાની ફિલ્મ 'બાલા'માં પરી એટલે કે યામી ગૌતમની માતાના રોલમાં જોવા મળ્યા હતા.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો