IAS અધિકારીએ શેર કરી એક માની તસવીર, લોકોની આંખો થઈ ગઈ ભીની

મા-બાપ પર જુલમના અનેક કિસ્સા સાંભળ્યા હશે, પરંતુ આજે જે કિસ્સો અમે શેર કરવા જઈ રહ્યા છીએ તે જાણીને તમારી આંખો પણ ભીની થઈ જશે. આ તસવીર એક IAS ઓફિસર અવનીશ શરણ (Awanish Sharan)એ શેર કરી છે. તેમણે 21 ઓગસ્ટના રોજ આ તસવીર શેર કરી હતી. આ તસવીરમાં દેખાય છે કે એ મહિલાની હાલત એકદમ કથળી ગયેલી છે અને તે ઈંટો ગોઠવેલી નાનકડી જગ્યા પર ઊંઘી ગઈ છે. આ તસવીર એટલા માટે લોકોનું હૃદય ધ્રૂજાવી રહી છે કારણ કે મહિલાના બાળકો સારી આર્થિક સ્થિતિ ધરાવે છે છતાં તેમની સંભાળ નથી લઈ રહ્યા.

અવનીશ શરણે તેમણે એક ટ્વીટ કરી જે વાયરલ થઈ રહી છે. તેમણે ટ્વીટમાં એક તસવીર શેર કરી છે અને જેમાં એક મહિલા ઈંટો ગોઠવેલી છે અને તેની વચ્ચે મહિલા સૂતેલી દેખાય છે. તેમણે ટ્વીટના કેપ્શનમાં લખ્યું છે, "એક દીકરો અધિકારી, બીજો નેતા, પૌત્રી PCS અધિકારી, મુક્તસરમાં મા આ રીતે રહેવા માટે હતી મજબૂર!! આ પ્રકારના જીવનનો શું ફાયદો?" હવે સોશિયલ મીડિયા પર આ તસવીર વાયરલ થઈ રહી છે. આ માની પીડા જાણીને ઘણાંની આંખો ભરાઈ આવી. તેમના બાળકોની લોકો ભારે નિંદા કરી રહ્યા છે.

IAS અધિકારીએ જે હૃદય દ્રવી ઉઠે તેવી ટ્વીટ કરી છે તેને અત્યાર સુધીમાં 3.5 લાખ કરતા વધારે લાઈક મળી છે અને 700 કરતા વધારે રિટ્વીટ અને કમેન્ટ થઈ છે. અન્ય યુઝર્સ માની આવી હાલત જોઈને તેમના દીકરાઓ પર ફિટકાર વરસાવી રહ્યા છે.

એક વ્યક્તિએ આ ફોટો પર કમેન્ટ કરીને લખ્યું છે, "સર ખબર એવી છે કે આ માનું મોત થઈ ગયું છે, તેમના માથામાં કીડા પડ્યા હતા. તેમના દીકરાએ કહ્યું કે અમે ઘરથી દૂર રહેતા હતા અમે કોઈને તેમની સંભાળ માટે રાખ્યા હતા, પણ તેમણે સંભાળ ના રાખી."