ગીરનાં આ મહિલા ફૉરેસ્ટર બચાવી ચૂક્યાં છે 300 સિંહ, 500થી વધુ દીપડાના જીવ

IPS ઑફિસર પરવીન કાસવાને એક તસવીર શેર કરી છે. આના કેપ્શનમાં તેઓ લખે છે, 'મળો રસીલા વાઢેરને, તેઓ ગિરમાં ફૉરેસ્ટર છે. અત્યાર સુધી તેઓ 1 હજારથી વધુ જાનવરોના રેસ્ક્યૂ કરી ચૂક્યાં છે. જેમાં 300 સિંહ, 500 દીપડા, મગરમચ્છ અને પાયથોન શામેલ છે. તેઓ આ પ્રાણીઓને કુવામાંથી રેસ્ક્યૂ કરે છે. રસીલા જંગલના રાજાથી પણ વધુ આત્મવિશ્વાસ સાથે અહીં ચાલે છે.'

આ રહી ટ્વીટ

જાણો રસીલા વિશે

જણાવી દઈએ કે, રસીલા ગુજરાતના ગીર નેશનલ પાર્કમાં કાર્યરત છે. તેઓ પ્રથમ એવી મહિલા છે જે વન વિભાગમાં જાનવરોને રેસ્ક્યૂ કરવાનું કામ કરે છે. વર્ષ 2007માં તેમણે વનકર્મીની પરીક્ષા પાસ કરી હતી. આના પહેલા તેઓ વાઈલ્ડ લાઈફ ગાઈડ હતાં.

જ્યારે થઈ મહિલા ટીમની રચના

2007માં ગુજરાતના મુખ્યમંત્રી નરેન્દ્ર મોદી હતા. તેમણે ત્યાં વન વિભાગમાં મહિલા ટીમની રચના કરી હતી. જણાવી દઈએ કે, જંગલમાં મહિલાઓને તેનાત કરનારું પ્રથમ રાજ્ય ગુજરાત જ હતું. ત્યાંથી મહિલાઓ અહીં સિંહ અને દીપડા ઉપરાંત અન્ય જંગલી જાનવરોની દેખરેખ કરી રહી છે. તેમાથી એક રસીલા પણ છે.
શું કામ કરે છે?

વર્ષ 2008માં રસીલાએ જંગલમાં જવાનું શરૂ કર્યું. જંગલી જાનવરોની પાસે જવું, તેમની દેખરેખ કરવી શરૂઆતથી તેમને ગમતું હતું. રસીલાએ રેસ્ક્યૂ ઑપરેશનમાં ભાગ લેવાનું શરૂ કર્યું. અત્યાર સુધી અનેક જંગલી જાનવરોને તે નવી જિંદગી આપી ચૂકંયાં છે.

ખૂબ જવાબદારીનું કામ છે


રસીલા જંગલી જાનવરોને રેસ્ક્યૂ કરે છે. તેમને ઈન્જેક્શન આપે છે. જો તેમને ઈજા થઈ હોય તો મલમ-પટ્ટી કરે છે. આ ખૂબ જ જવાબદારીનું કામ છે. સહજ વાત છે કે, આના માટે તે ઘણી તકલીફો વેઠતાં હશે પણ તેમને આ કામ પસંદ છે. રસીલા જેવી બાહોશ મહિલાઓ સમાજને જણાવે છે કે, તે કંઈ પણ કરી શકે છે. જો કોઈ મહિલાઓને ઉતરતી આંકી રહ્યું હોય તો તે નાસમજ છે.

તસીવરો : TheBetterIndia